-
សាំយូអែលទី១ ៨:១១-១៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១១ គាត់ប្រាប់ថា៖ «ស្ដេចដែលនឹងគ្រប់គ្រងលើអ្នករាល់គ្នាមានសិទ្ធិបង្គាប់ដូចតទៅ៖+ ស្ដេចនឹងយកកូនប្រុសៗរបស់អ្នក+ ឲ្យធ្វើជាទាហានរទេះចម្បាំង+ និងទាហានសេះ+ ហើយឲ្យពួកគេខ្លះទៀតរត់នៅពីមុខរទេះចម្បាំង។ ១២ ស្ដេចនឹងតែងតាំងឲ្យមានមេលើក្រុមមនុស្ស១.០០០នាក់ៗ+ និងមេលើក្រុមមនុស្ស៥០នាក់ៗ។+ ស្ដេចនឹងឲ្យអ្នកខ្លះភ្ជួររាស់+ ហើយឲ្យអ្នកខ្លះច្រូតកាត់។+ ស្ដេចនឹងឲ្យអ្នកខ្លះទៀតធ្វើគ្រឿងចម្បាំង និងឧបករណ៍សម្រាប់រទេះចម្បាំងរបស់គាត់។+ ១៣ ស្ដេចនឹងយកកូនស្រីៗរបស់អ្នកឲ្យធ្វើជាអ្នកលាយប្រេងក្រអូប អ្នកចម្អិនអាហារ និងអ្នកធ្វើនំ។+ ១៤ ស្ដេចនឹងយកផលល្អបំផុតពីដីស្រែ ពីចម្ការទំពាំងបាយជូរ និងពីចម្ការផ្លែអូលីវរបស់អ្នក+ រួចស្ដេចនឹងឲ្យផលទាំងនោះដល់អ្នកបម្រើរបស់គាត់។ ១៥ ស្ដេចនឹងយកដប់ភាគរយពីផលស្រូវ និងពីផលចម្ការទំពាំងបាយជូរ ហើយឲ្យដល់មន្ត្រីជាន់ខ្ពស់និងអ្នកបម្រើរបស់ស្ដេច។ ១៦ ស្ដេចនឹងយកអ្នកបម្រើប្រុស និងអ្នកបម្រើស្រីរបស់អ្នក ព្រមទាំងហ្វូងសត្វលានិងហ្វូងសត្វដែលល្អបំផុតរបស់អ្នក ឲ្យមកធ្វើការសម្រាប់គាត់។+ ១៧ ស្ដេចនឹងយកដប់ភាគរយពីហ្វូងសត្វរបស់អ្នក+ ហើយអ្នកនឹងក្លាយទៅជាអ្នកបម្រើរបស់គាត់។ ១៨ ពេលនោះមកដល់ អ្នករាល់គ្នានឹងស្រែករកព្រះ ដោយសារស្ដេចដែលអ្នករាល់គ្នាបានជ្រើសរើស។+ ប៉ុន្តែ នៅពេលនោះព្រះយេហូវ៉ានឹងមិនឆ្លើយតបទៅអ្នករាល់គ្នាឡើយ»។
-
-
បណ្ដាស្ដេចទី១ ៤:៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
៧ សាឡូម៉ូនបានតែងតាំងអភិបាល១២នាក់ឲ្យត្រួតត្រាលើស្រុកអ៊ីស្រាអែលទាំងមូល។ ពួកគាត់ផ្គត់ផ្គង់ស្បៀងអាហារដល់ស្ដេចនិងពួកអ្នកដែលនៅក្នុងវិមាន។ មួយឆ្នាំម្ដង ពួកគាត់ម្នាក់ៗមានវេនទទួលខុសត្រូវខាងការផ្គត់ផ្គង់ស្បៀងអាហារអស់មួយខែ។+
-