-
បណ្ដាស្ដេចទី២ ៩:១-៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៩ ក្រោយមក អេលីសេបានហៅកូនចៅអ្នកប្រកាសទំនាយម្នាក់មកប្រាប់ថា៖ «ចូរក្រវាត់អាវនៅចង្កេះ ហើយយកប្រេងមួយដបទៅក្រុងរ៉ាម៉ូតគីលាតជាប្រញាប់។+ ២ ពេលទៅដល់ ចូររកយេហ៊ូ+ជាកូនយេហូសាផាត ដែលត្រូវជាកូននីមសាយ។ ពេលឃើញគាត់ ចូរហៅគាត់ចេញពីចំណោមពួកមេទ័ព ហើយនាំចូលទៅបន្ទប់ខាងក្នុង។ ៣ រួចយកប្រេងចាក់លើក្បាលគាត់ ហើយប្រាប់ថា៖ ‹ព្រះយេហូវ៉ាបានមានប្រសាសន៍ដូច្នេះថា៖ «ខ្ញុំតែងតាំងអ្នកឲ្យធ្វើជាស្ដេចលើស្រុកអ៊ីស្រាអែល»›។+ បន្ទាប់មក ចូរបើកទ្វារហើយចាកចេញពីទីនោះជាប្រញាប់»។
-
-
បណ្ដាស្ដេចទី២ ៩:៣០-៣៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣០ ឯយេសិបិល+ក៏ឮដំណឹងថា យេហ៊ូមកដល់ក្រុងយេសរៀល។+ នាងក៏គូរភ្នែកឲ្យខ្មៅ ហើយតុបតែងសក់ រួចអើតមើលតាមបង្អួច។ ៣១ ពេលយេហ៊ូចូលដល់ខ្លោងទ្វារវិមាន នាងក៏និយាយថា៖ «តើស៊ីមរីដែលសម្លាប់ម្ចាស់ខ្លួន បានរួចខ្លួនឬ?»។+ ៣២ យេហ៊ូក៏ងើយមើលទៅបង្អួច ហើយនិយាយថា៖ «តើអ្នកណានៅខាងខ្ញុំ?»។+ ភ្លាមនោះ មានមន្ត្រីពីរបីនាក់អើតមើលទៅគាត់។ ៣៣ យេហ៊ូក៏បង្គាប់ថា៖ «ចូរបោះនាងចុះមក!»។ ដូច្នេះ ពួកគេក៏បោះនាងចុះទៅ ហើយឈាមរបស់នាងបានខ្ទាតទៅលើជញ្ជាំងនិងលើសេះ។ រួចយេហ៊ូបានបំបោលសេះតន្ត្រំលើនាងទៅ។
-