៣២ ពេល​អេលីសេ​ចូល​ទៅ​ក្នុង​ផ្ទះ គាត់​ឃើញ​កូន​នោះ​ដេក​ស្លាប់​លើ​គ្រែ​គាត់។+ ៣៣ គាត់​បាន​ចូល​ក្នុង​បន្ទប់​នោះ រួច​បិទ​ទ្វារ ហើយ​អធិដ្ឋាន​ទៅ​ព្រះ​យេហូវ៉ា។+ ៣៤ បន្ទាប់​មក គាត់​បាន​ទ្រោប​លើ​កូន​នោះ ដាក់​មាត់​ទល់​នឹង​មាត់ ភ្នែក​ទល់​នឹង​ភ្នែក ហើយ​ដៃ​ដាក់​លើ​ដៃ។ គាត់​ក៏​សន្ធឹង​ខ្លួន​លើ​កូន​នោះ រួច​កូន​នោះ​ចាប់​មាន​កម្ដៅឡើង​វិញ។+ ៣៥ អេលីសេ​បាន​ដើរ​ទៅ​ដើរ​មក​ក្នុង​ផ្ទះ ហើយ​ក៏​ទៅ​ទ្រោប​លើ​កូន​នោះ​ម្ដង​ទៀត។ បន្ទាប់​មក កូន​នោះ​កណ្ដាស់​៧​ដង រួច​បើក​ភ្នែក។+