-
បណ្ដាស្ដេចទី២ ១២:១៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៨ ពេលនោះ យេហូអាសជាស្ដេចស្រុកយូដាបានប្រមូលយកគ្រឿងបូជាបរិសុទ្ធទាំងអស់ ផ្ញើទៅឲ្យហាសេអែល។ គ្រឿងបូជាទាំងនោះបានត្រូវញែកជាបរិសុទ្ធដោយអាហាស៊ីយ៉ាជាឪពុករបស់គាត់ និងដោយយេហូរ៉ាម ព្រមទាំងយេហូសាផាតជាបុព្វបុរសរបស់គាត់។ ដំណាលគ្នានោះ គាត់ក៏យកគ្រឿងបូជាបរិសុទ្ធរបស់គាត់ទាំងអស់ រួមទាំងមាសពីឃ្លាំងវិហារព្រះយេហូវ៉ានិងឃ្លាំងវិមាន ទៅប្រគល់ឲ្យហាសេអែលជាស្ដេចស្រុកស៊ីរីដែរ។+ ដូច្នេះ ហាសេអែលក៏ព្រមដកថយពីក្រុងយេរូសាឡិមទៅ។
-
-
បណ្ដាស្ដេចទី២ ១៦:៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
៨ រួចមក អេហាសបានប្រមូលមាសប្រាក់ទាំងអស់ពីវិហារព្រះយេហូវ៉ានិងពីឃ្លាំងវិមានស្ដេច យកទៅប្រគល់ឲ្យស្ដេចស្រុកអាស៊ីរីជាជំនូន។+
-
-
ប្រវត្តិហេតុទី២ ១៦:២, ៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
២ នៅគ្រានោះ អេសាបានយកមាសប្រាក់ពីឃ្លាំងវិហាររបស់ព្រះយេហូវ៉ា+ និងពីឃ្លាំងវិមានរបស់ស្ដេច រួចចាត់ពួកអ្នកបម្រើរបស់គាត់ឲ្យយកទៅជូនបេនហាដាតជាស្ដេចស្រុកស៊ីរី+ ដែលអាស្រ័យនៅក្រុងដាម៉ាស់។ អេសាបាននិយាយថា៖ ៣ «អ្នកនិងខ្ញុំមានកិច្ចព្រមព្រៀងរួចហើយ ដូចឪពុកអ្នកនិងឪពុកខ្ញុំដែរ។ ខ្ញុំបានផ្ញើមាសប្រាក់ជាអំណោយដល់អ្នក។ ដូច្នេះ សូមផ្ដាច់កិច្ចព្រមព្រៀងជាមួយនឹងស្ដេចបាអាសាទៅ ដើម្បីឲ្យគាត់ដកថយចេញពីខ្ញុំ»។
-