-
បណ្ដាស្ដេចទី២ ២១:១៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៦ ម៉ាណាសេបាននាំឲ្យបណ្ដាជនយូដាប្រព្រឹត្តអំពើដែលព្រះយេហូវ៉ាមិនពេញចិត្ត។ លើសពីនោះទៅទៀត គាត់ក៏បានសម្លាប់មនុស្សដែលគ្មានទោសយ៉ាងច្រើនសន្ធឹក ដែលធ្វើឲ្យក្រុងយេរូសាឡិមពេញទៅដោយឈាម។+
-
-
បណ្ដាស្ដេចទី២ ២៣:២៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៦ ទោះជាយ៉ាងនោះក៏ដោយ ព្រះយេហូវ៉ានៅតែមានសេចក្ដីក្រោធជាខ្លាំងចំពោះបណ្ដាជនយូដា ដោយសារអំពើអាក្រក់ទាំងប៉ុន្មានដែលម៉ាណាសេបានប្រព្រឹត្តទាស់នឹងលោក។+
-
-
ប្រវត្តិហេតុទី២ ៣៣:១១-១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
១១ ដូច្នេះ ព្រះយេហូវ៉ាបានបណ្ដាលឲ្យពួកមេទ័ពស្ដេចស្រុកអាស៊ីរី មកច្បាំងនឹងពួកយូដា។ ពេលនោះ គេចាប់បានម៉ាណាសេ ហើយដាក់កន្លុះ*គាត់ ព្រមទាំងដាក់ខ្នោះស្ពាន់ រួចនាំយកទៅស្រុកបាប៊ីឡូន។ ១២ ក្នុងគ្រាដែលគាត់មានទុក្ខវេទនា គាត់បានអង្វរសុំសេចក្ដីមេត្តាពីព្រះយេហូវ៉ាជាព្រះរបស់គាត់ ហើយគាត់បានបន្ទាបខ្លួនយ៉ាងខ្លាំងនៅចំពោះមុខព្រះនៃបុព្វបុរសរបស់គាត់។ ១៣ គាត់បានអធិដ្ឋានអង្វរព្រះឥតឈប់ ដូច្នេះលោកបានបង្ហាញសេចក្ដីអាណិតមេត្តាចំពោះគាត់ ហើយធ្វើតាមពាក្យអង្វរសុំរបស់គាត់។ បន្ទាប់មក លោកបានឲ្យគាត់ត្រឡប់ទៅក្រុងយេរូសាឡិមវិញ ហើយឲ្យគាត់គ្រប់គ្រងជាស្ដេចម្ដងទៀត។+ ពេលនោះហើយដែលម៉ាណាសេបានដឹងថាព្រះយេហូវ៉ាគឺជាព្រះដ៏ពិត។+
-