-
បណ្ដាស្ដេចទី២ ១១:៥-៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
៥ យេហូយ៉ាដាបានបញ្ជាពួកគេថា៖ «ចូរអ្នករាល់គ្នាធ្វើដូចតទៅ៖ ចំពោះក្រុមអ្នកយាមនៅថ្ងៃឈប់សម្រាក ចូរចែកជាបីកង។ ចូរឲ្យកងមួយយាមនៅវិមានស្ដេច+ ៦ កងមួយយាមនៅខ្លោងទ្វារគ្រឹះ ហើយកងមួយទៀតយាមនៅខ្លោងទ្វារខាងក្រោយអ្នកយាមវិមាន។ អ្នករាល់គ្នាត្រូវប្ដូរវេនគ្នាយាមនៅវិហាររបស់ព្រះ។ ៧ ឯពីរក្រុមទៀតដែលមិនត្រូវយាមនៅថ្ងៃឈប់សម្រាក ចូរឲ្យពួកគេទៅយាមនៅវិហារព្រះយេហូវ៉ាដើម្បីការពារស្ដេច។ ៨ អ្នករាល់គ្នាត្រូវនៅជុំវិញស្ដេច ទាំងកាន់អាវុធការពារ បើមានអ្នកណាចូលមកជិត ចូរសម្លាប់អ្នកនោះចោល ហើយអ្នកត្រូវនៅជាប់ជាមួយនឹងស្ដេចជានិច្ច»។
-
-
ប្រវត្តិហេតុទី១ ៩:២២-២៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
២២ អស់អ្នកដែលបានត្រូវជ្រើសរើសឲ្យបម្រើជាអ្នកយាមទ្វារ ពួកគេមានចំនួន២១២នាក់។ ពួកគេរស់នៅតាមភូមិ តាមវង្សត្រកូលរបស់ពួកគេ។+ ដាវីឌ និងសាំយូអែលដែលជាអ្នកមើលធ្លុះ+ ពួកគាត់បានតែងតាំងពួកគេឲ្យបំពេញមុខងារនេះ ព្រោះពួកគេជាមនុស្សគួរឲ្យទុកចិត្ត។ ២៣ ពួកគេនិងកូនចៅពួកគេមានភារកិច្ចមើលខុសត្រូវការយាមទ្វារវិហារព្រះយេហូវ៉ា+ ពោលគឺទ្វារត្រសាលរបស់ព្រះ។ ២៤ ពួកអ្នកយាមទាំងនេះមានភារកិច្ចយាមទាំងបួនទិស គឺខាងលិច ខាងកើត ខាងជើង និងខាងត្បូង។+ ២៥ យូរៗម្ដង បងប្អូនរបស់ពួកគេត្រូវចេញពីភូមិ មកជួយកិច្ចការរបស់ពួកគេអស់រយៈពេល៧ថ្ងៃ។
-