បណ្ណាល័យអ៊ីនធឺណិតរបស់ប៉មយាម

ជំរឿនបណ្ដាជន ១:៥១

គម្ពីរបរិសុទ្ធសេចក្ដីបកប្រែពិភពលោកថ្មី
- ៥១ ពេលត្រូវរើត្រសាលជំនុំពីកន្លែងមួយទៅកន្លែងមួយ ពួកលេវីត្រូវជាអ្នករុះត្រសាលជំនុំ+ ហើយក៏ត្រូវជាអ្នកដំឡើងត្រសាលនោះនៅកន្លែងមួយទៀតដែរ។ បើអ្នកផ្សេងទៀតចូលមកក្បែរត្រសាលជំនុំ អ្នកនោះនឹងត្រូវស្លាប់។+

ជំរឿនបណ្ដាជន ១៨:៧

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ អ្នកនិងកូនប្រុសៗអ្នកត្រូវបំពេញភារកិច្ចជាសង្ឃ គឺបម្រើនៅទីបូជា និងបំពេញកិច្ចការទាំងអស់នៅក្រោយវាំងនន។*+ ព្រោះខ្ញុំបានឲ្យមុខងារជាសង្ឃដល់អ្នកជាអំណោយ។ បើអ្នកផ្សេងទៀត*ចូលមកជិតត្រសាលជំនុំ អ្នកនោះនឹងត្រូវស្លាប់ជាមិនខាន»។+

ប្រវត្តិហេតុទី២ ២៦:១៨, ១៩

គម្ពីរបរិសុទ្ធសេចក្ដីបកប្រែពិភពលោកថ្មី
- ១៨ ពួកគេបានឈរខាងមុខស្ដេចអូសៀស ហើយនិយាយថា៖ «ស្ដេចអូសៀស គឺមិនត្រឹមត្រូវទេដែលលោកដុតគ្រឿងក្រអូបជូនព្រះយេហូវ៉ា!+ នេះជាភារកិច្ចរបស់ពួកសង្ឃ ព្រោះពួកគេជាកូនចៅរបស់អេរ៉ុន+ ដែលបានត្រូវញែកជាបរិសុទ្ធ។ ចូរលោកចេញពីទីបរិសុទ្ធនេះទៅ ព្រោះលោកបានប្រព្រឹត្តមិនស្មោះត្រង់ហើយ។ លោកនឹងមិនទទួលកិត្តិយសពីព្រះយេហូវ៉ាចំពោះការនេះទេ»។
  
  ១៩ ពេលឮដូច្នោះ អូសៀសបានផ្ទុះកំហឹង+នឹងពួកសង្ឃ ភ្លាមនោះស្រាប់តែគាត់កើតរោគឃ្លង់+ពេញថ្ងាសនៅចំពោះមុខពួកសង្ឃ។ ពេលនោះ គាត់កំពុងឈរនៅក្បែរទីបូជា*ក្នុងវិហាររបស់ព្រះយេហូវ៉ា ទាំងកាន់ប្រដាប់ដុតគ្រឿងក្រអូប។