បណ្ណាល័យអ៊ីនធឺណិតរបស់ប៉មយាម

ប្រវត្តិហេតុទី២ ៣៦:១៥, ១៦

គម្ពីរបរិសុទ្ធសេចក្ដីបកប្រែពិភពលោកថ្មី
- ១៥ ទោះជាយ៉ាងនោះក៏ដោយ ព្រះយេហូវ៉ាជាព្រះនៃបុព្វបុរសរបស់ពួកគេ តែងតែព្រមានពួកគេម្ដងហើយម្ដងទៀត តាមរយៈពួកអ្នកនាំសាររបស់លោក ពីព្រោះលោកអាណិតមេត្តាដល់រាស្ត្រលោក ហើយគិតដល់វិហាររបស់លោក។* ១៦ ក៏ប៉ុន្តែ ពួកគេតែងតែសើចចំអកឲ្យពួកអ្នកនាំសាររបស់ព្រះពិត+ ហើយមិនព្រមស្ដាប់ប្រសាសន៍របស់លោកទេ។+ ពួកគេថែមទាំងប្រមាថមើលងាយពួកអ្នកប្រកាសទំនាយរបស់ព្រះយេហូវ៉ា+ជាច្រើនលើកច្រើនសា រហូតដល់លោកខឹងនឹងពួកគេជាខ្លាំង។+ លោកកែតម្រង់ពួកគេលែងបានហើយ។

យេរេមា ៤០:២, ៣

គម្ពីរបរិសុទ្ធសេចក្ដីបកប្រែពិភពលោកថ្មី
- ២ បន្ទាប់មក មេលើពួកអង្គរក្សស្ដេចបានហៅយេរេមាមក ហើយប្រាប់គាត់ថា៖ «ព្រះយេហូវ៉ាជាព្រះរបស់អ្នក បានប្រកាសទុកជាមុនអំពីសេចក្ដីវេទនាទាស់នឹងស្រុកនេះ ៣ ហើយព្រះយេហូវ៉ាបានធ្វើឲ្យកើតឡើងដូចលោកមានប្រសាសន៍មែន ព្រោះអ្នករាល់គ្នាបានប្រព្រឹត្តអំពើខុសឆ្គងទាស់នឹងព្រះយេហូវ៉ា ហើយមិនបានស្ដាប់បង្គាប់លោកទេ។ ហេតុនេះហើយបានជាអ្នករាល់គ្នាជួបរឿងទាំងនេះ។+