២០ ក្នុង​អំឡុង​ពេល​ខ្ញុំ​អធិដ្ឋាន​សារភាព​កំហុស​ខ្លួន​និង​កំហុស​របស់​អ៊ីស្រាអែល​ជា​ជន​រួម​ជាតិ​ខ្ញុំ ថែម​ទាំង​អង្វរ​សុំ​សេចក្ដី​មេត្តា​ពី​ព្រះ​យេហូវ៉ា​ជា​ព្រះ​នៃ​ខ្ញុំ ស្ដី​អំពី​ភ្នំ​បរិសុទ្ធ​របស់​លោក+ ២១ គឺ​កាល​ដែល​ខ្ញុំ​កំពុង​និយាយ​ទៅ​កាន់​ព្រះ​នៅ​ឡើយ ស្រាប់​តែ​កាព្រីយ៉ែល+ដែល​ខ្ញុំ​បាន​ឃើញ​ក្នុង​ការ​បើក​បង្ហាញ+ បាន​លេច​មក​ជួប​ខ្ញុំ​នៅ​ពេល​ល្ងាច​ជា​វេលា​ដែល​ត្រូវ​ជូន​គ្រឿង​បូជា​ជា​អំណោយ។ ពេល​នោះ ខ្ញុំ​អស់​កម្លាំង​ជា​ខ្លាំង។