បណ្ណាល័យអ៊ីនធឺណិតរបស់ប៉មយាម

ប្រវត្តិហេតុទី១ ១៦:២៧

គម្ពីរបរិសុទ្ធសេចក្ដីបកប្រែពិភពលោកថ្មី
- ២៧ នៅជុំវិញលោកមានសិរីរុងរឿងនិងភាពអស្ចារ្យ។+
  
  ក្នុងទីអាស្រ័យលោកមានអំណរនិងកម្លាំងខ្លាំងក្លា។+

អេសេគាល ១:២៧, ២៨

គម្ពីរបរិសុទ្ធសេចក្ដីបកប្រែពិភពលោកថ្មី
- ២៧ ចាប់ពីចង្កេះបុគ្គលនោះឡើងលើ ខ្ញុំបានឃើញអ្វីមួយដូចជាអណ្ដាតភ្លើងចេញមក ហើយភ្លើងនោះមើលទៅដូចជាលោហៈភ្លឺត្រចះ។+ ចាប់ពីចង្កេះចុះក្រោម ខ្ញុំឃើញអ្វីមួយដែលមើលទៅដូចជាភ្លើង។+ នៅជុំវិញបុគ្គលនោះមានរស្មីភ្លឺចិញ្ចាចចិញ្ចែង ២៨ ដូចជាឥន្ទធនូ+ក្នុងពពកពេលភ្លៀង។ នោះហើយជាពន្លឺត្រចះដែលខ្ញុំបានឃើញ។ ពន្លឺនោះមើលទៅដូចជាសិរីរុងរឿងរបស់ព្រះយេហូវ៉ា។+ ពេលឃើញភ្លាម ខ្ញុំក៏ក្រាបមុខចុះ ហើយខ្ញុំឮសំឡេងបុគ្គលម្នាក់និយាយមកកាន់ខ្ញុំ។

ដានីយ៉ែល ៧:៩

គម្ពីរបរិសុទ្ធសេចក្ដីបកប្រែពិភពលោកថ្មី
- ៩ «ខ្ញុំបន្តសម្លឹងមើល រហូតដល់ឃើញបល្ល័ង្កនានាត្រូវតាំងឡើង ហើយខ្ញុំឃើញព្រះដែលមានជីវិតតាំងពីបុរាណ+អង្គុយលើបល្ល័ង្កលោក។+ សម្លៀកបំពាក់លោកពណ៌សស្គុសដូចព្រិល+ ហើយសក់របស់លោកសស្អាតដូចរោមចៀម។ បល្ល័ង្កលោកជាអណ្ដាតភ្លើង ហើយកង់បល្ល័ង្កនោះជាភ្លើងឆេះសន្ធោសន្ធៅ។+