-
ដើមកំណើត ១៥:១៣, ១៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ បន្ទាប់មក ព្រះបានមានប្រសាសន៍ទៅកាន់អាប់រ៉ាមថា៖ «សូមអ្នកដឹងជាមុនថា កូនចៅ*របស់អ្នកនឹងក្លាយទៅជាជនបរទេសនៅស្រុកមួយដែលមិនមែនជាស្រុករបស់ខ្លួន ហើយពួកអ្នកស្រុកនោះនឹងយកពួកគេធ្វើជាខ្ញុំបម្រើ ថែមទាំងធ្វើទុក្ខពួកគេអស់រយៈពេល៤០០ឆ្នាំ។+ ១៤ ប៉ុន្តែ ខ្ញុំនឹងវិនិច្ឆ័យប្រជាជាតិដែលនឹងយកពួកគេធ្វើជាខ្ញុំបម្រើ+ ហើយក្រោយមកកូនចៅ*អ្នកនឹងចាកចេញពីស្រុកនោះទាំងមានទ្រព្យសម្បត្តិជាច្រើន។+
-
-
ការបំភ្លឺច្បាប់ ៩:៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
៥ អ្នករាល់គ្នាអាចចូលទៅដណ្ដើមយកស្រុករបស់ពួកគេបាន មិនមែនដោយសារអ្នករាល់គ្នាជាមនុស្សសុចរិត ឬមានចិត្តទៀងត្រង់ឡើយ តែគឺដោយសារអំពើទុច្ចរិតរបស់ប្រជាជាតិទាំងនោះទេ ដែលព្រះយេហូវ៉ាបានបណ្ដេញពួកគេចេញពីមុខអ្នករាល់គ្នា។+ ម្យ៉ាងទៀត ព្រះយេហូវ៉ាធ្វើដូច្នេះដើម្បីបំពេញតាមពាក្យសម្បថដែលលោកបានស្បថនឹងអាប្រាហាំ+ អ៊ីសាក+ និងយ៉ាកុប+ដែលជាបុព្វបុរសរបស់អ្នករាល់គ្នា។
-