បណ្ណាល័យអ៊ីនធឺណិតរបស់ប៉មយាម

សាំយូអែលទី១ ១៥:២២

គម្ពីរបរិសុទ្ធសេចក្ដីបកប្រែពិភពលោកថ្មី
- ២២ រួចសាំយូអែលនិយាយថា៖ «តើព្រះយេហូវ៉ាពេញចិត្តគ្រឿងបូជាដុតនិងគ្រឿងបូជាផ្សេងទៀត+ ខ្លាំងជាងការស្ដាប់បង្គាប់ព្រះយេហូវ៉ាឬ? ការស្ដាប់បង្គាប់គឺប្រសើរជាងការជូនគ្រឿងបូជា+ ហើយការយកចិត្តទុកដាក់ស្ដាប់ក៏ប្រសើរជាងការជូនខ្លាញ់+នៃចៀមឈ្មោលដែរ។

អេសាយ ១:១១

គម្ពីរបរិសុទ្ធសេចក្ដីបកប្រែពិភពលោកថ្មី
- ១១ ព្រះយេហូវ៉ាមានប្រសាសន៍ថា៖ «តើគ្រឿងបូជាដ៏ច្រើនរបស់អ្នករាល់គ្នាមានប្រយោជន៍អ្វីដល់ខ្ញុំទៅ?+
  
  ខ្ញុំធុញទ្រាន់ខ្លាំងណាស់ចំពោះចៀមឈ្មោល+ និងខ្លាញ់សត្វធាត់ៗដែលអ្នករាល់គ្នាយកមកដុតជូនខ្ញុំជាគ្រឿងបូជា+
  ហើយខ្ញុំក៏មិនពេញចិត្តនឹងឈាម+គោស្ទាវ+ ចៀម និងពពែដែរ។+

យេរេមា ៧:២២, ២៣

គម្ពីរបរិសុទ្ធសេចក្ដីបកប្រែពិភពលោកថ្មី
- ២២ ព្រោះនៅថ្ងៃដែលខ្ញុំបាននាំបុព្វបុរសរបស់អ្នករាល់គ្នាចេញពីស្រុកអេហ្ស៊ីប ខ្ញុំមិនបាននិយាយជាមួយនឹងពួកគេអំពីគ្រឿងបូជាដុតនិងគ្រឿងបូជាឯទៀតទេ ហើយក៏មិនបានបង្គាប់ពួកគេអំពីការនោះដែរ។+ ២៣ ប៉ុន្តែ ខ្ញុំបានបង្គាប់ពួកគេដូចនេះថា៖ «ចូរស្ដាប់ខ្ញុំចុះ នោះខ្ញុំនឹងទៅជាព្រះរបស់អ្នករាល់គ្នា ហើយអ្នករាល់គ្នានឹងទៅជារាស្ត្ររបស់ខ្ញុំ។+ អ្នករាល់គ្នាត្រូវធ្វើតាមគ្រប់ទាំងសេចក្ដីដែលខ្ញុំបង្គាប់ ដើម្បីឲ្យអ្នករាល់គ្នាមានភាពចម្រុងចម្រើន»›។+

ហូសេ ៦:៦

គម្ពីរបរិសុទ្ធសេចក្ដីបកប្រែពិភពលោកថ្មី
- ៦ ព្រោះខ្ញុំពេញចិត្តចំពោះការបង្ហាញសេចក្ដីស្រឡាញ់ដ៏ស្មោះត្រង់*មិនមែនគ្រឿងបូជាទេ
  ហើយខ្ញុំពេញចិត្តចំពោះការមានចំណេះអំពីព្រះ មិនមែនគ្រឿងបូជាដុតឡើយ។+