១០ ឮ​ដូច្នោះ បូអូស​និយាយ​ថា​៖ ​«​កូន​ស្រី​អើយ សូម​ព្រះ​យេហូវ៉ា​ឲ្យ​ពរ​នាង។ លើក​នេះ​នាង​បាន​បង្ហាញ​សេចក្ដី​ស្រឡាញ់​ដ៏​ស្មោះ​ត្រង់ ខ្លាំង​ជាង​លើក​មុន​ទៅ​ទៀត+ ព្រោះ​នាង​មិន​បាន​ទៅ​រក​បុរស​ក្មេង​ៗ ទោះ​ជា​បុរស​នោះ​ជា​អ្នក​ក្រ​ឬ​ជា​អ្នក​មាន​ក៏​ដោយ។ ១១ ដូច្នេះ កូន​ស្រី​អើយ កុំ​ភ័យ​ព្រួយ​ឡើយ! ខ្ញុំ​នឹង​ធ្វើ​តាម​សម្ដី​ទាំង​អស់​របស់​នាង+ ដោយ​សារ​គ្រប់​គ្នា​ក្នុង​ក្រុង​នេះ​ដឹង​ថា​នាង​ជា​ស្ត្រី​ល្អ​ប្រសើរ​ម្នាក់។