បណ្ណាល័យអ៊ីនធឺណិតរបស់ប៉មយាម

បណ្ដាស្ដេចទី១ ២១:៨-១១

គម្ពីរបរិសុទ្ធសេចក្ដីបកប្រែពិភពលោកថ្មី
- ៨ ដូច្នេះ នាងបានសរសេរសំបុត្រដោយប្រើឈ្មោះស្ដេច ហើយយកត្រារបស់អាហាប់បោះលើសំបុត្រទាំងនោះ+ រួចផ្ញើទៅពួកបុរសចាស់ទុំ+និងពួកអភិជនដែលរស់នៅក្នុងក្រុងជាមួយនឹងណាបោត។ ៩ នាងបានសរសេរសំបុត្រទាំងនោះថា៖ «ចូរប្រកាសឲ្យបណ្ដាជនតមអាហារ ហើយឲ្យណាបោតអង្គុយនៅកន្លែងខាងមុខបណ្ដាជន។ ១០ រួចហៅមនុស្សខិលខូចពីរនាក់ឲ្យចូលមកអង្គុយនៅមុខគាត់ ហើយចោទប្រកាន់គាត់+ថា៖ ‹អ្នកឯងបានប្រមាថព្រះនិងស្ដេច!›។+ បន្ទាប់មក ចូរនាំគាត់ចេញទៅក្រៅ ហើយគប់ដុំថ្មសម្លាប់គាត់ទៅ»។+
  
  ១១ ដូច្នេះ ពួកបុរសចាស់ទុំនិងពួកអភិជនដែលរស់នៅក្នុងក្រុងជាមួយនឹងណាបោត បានធ្វើតាមបង្គាប់ក្នុងសំបុត្រដែលយេសិបិលបានផ្ញើទៅឲ្យពួកគេ។

យេរេមា ៣៨:៤, ៥

គម្ពីរបរិសុទ្ធសេចក្ដីបកប្រែពិភពលោកថ្មី
- ៤ គ្រានោះ ពួកអ្នកគ្រប់គ្រងបានចូលទៅប្រាប់ស្ដេចថា៖ «សូមប្រហារជីវិតបុរសនេះទៅ+ ព្រោះពាក្យសម្ដីរបស់គាត់ធ្វើឲ្យពួកទាហាន និងបណ្ដាជនដែលនៅសល់ក្នុងក្រុងនេះធ្លាក់ទឹកចិត្តហើយ។ បុរសនេះកំពុងបង្កឲ្យមានអន្តរាយ មិនមែននាំឲ្យមានសេចក្ដីសុខសាន្តទេ»។ ៥ ស្ដេចសេដេគាក៏ឆ្លើយថា៖ «មើល! គាត់នៅក្នុងកណ្ដាប់ដៃអ្នករាល់គ្នាស្រាប់ហើយ។ ទោះជាខ្ញុំឃាត់អ្នករាល់គ្នា ក៏ឃាត់មិនបានដែរ»។