-
បណ្ដាស្ដេចទី១ ៤:២៩-៣១គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៩ ព្រះបានឲ្យសាឡូម៉ូនមានប្រាជ្ញាច្រើនលើសលប់ និងសមត្ថភាពវែកញែកយ៉ាងពូកែ ព្រមទាំងមានការយល់ដឹងទូលំទូលាយ ដែលគ្មាននរណាអាចវាស់ស្ទង់បានឡើយ។*+ ៣០ សាឡូម៉ូនមានប្រាជ្ញាលើសអស់អ្នកដែលមកពីស្រុកខាងកើត និងអស់អ្នកដែលនៅស្រុកអេហ្ស៊ីប។+ ៣១ គាត់មានប្រាជ្ញាលើសមនុស្សឯទៀត គឺមានប្រាជ្ញាជាងអ៊ីថាន+ជាកូនចៅអែសរ៉ា និងហេម៉ាន+ កាល់កូល+ និងដាដាដែលជាកូនម៉ាហូល។ កិត្តិនាមរបស់សាឡូម៉ូនល្បីរន្ទឺដល់គ្រប់ប្រជាជាតិដែលនៅជុំវិញ។+
-
-
ប្រវត្តិហេតុទី២ ១:១០-១២គម្ពីរបរិសុទ្ធសេចក្ដីបកប្រែពិភពលោកថ្មី
-
-
១០ សូមឲ្យខ្ញុំមានចំណេះនិងប្រាជ្ញា+ ដើម្បីខ្ញុំអាចដឹកនាំបណ្ដាជនទាំងនេះបាន។ បើមិនដូច្នោះទេ តើខ្ញុំនឹងវិនិច្ឆ័យរាស្ត្ររបស់លោកដែលមានចំនួនដ៏ច្រើនយ៉ាងនេះដូចម្ដេចបាន?»។+
១១ រួចមក ព្រះបានមានប្រសាសន៍ទៅកាន់សាឡូម៉ូនថា៖ «ដោយសារនេះជាបំណងចិត្តរបស់អ្នក ហើយអ្នកមិនបានសុំឲ្យមានអាយុវែង ឬសុំឲ្យមានទ្រព្យសម្បត្តិនិងកិត្តិយស ឬក៏សុំឲ្យពួកសត្រូវអ្នកស្លាប់ទេ តែអ្នកបានសុំឲ្យមានចំណេះនិងប្រាជ្ញាវិញ ដើម្បីវិនិច្ឆ័យរាស្ត្ររបស់ខ្ញុំដែលនៅក្រោមការគ្រប់គ្រងរបស់អ្នក+ ១២ នោះខ្ញុំនឹងឲ្យចំណេះនិងប្រាជ្ញាដល់អ្នក។ មិនត្រឹមតែប៉ុណ្ណោះ ខ្ញុំក៏នឹងឲ្យអ្នកមានកិត្តិយសនិងទ្រព្យសម្បត្តិដ៏ច្រើនលើសលប់ដែរ។ ហេតុនេះហើយបានជានៅមុនអ្នកនិងក្រោយអ្នកមិនដែលមានស្ដេចណាដូចអ្នកឡើយ»។+
-