១៨ ហេតុ​នោះ ស្ដេច​បង្គាប់​ទៅ​ដូអេក​ថា​៖+ ​«​ចូរ​អ្នក​សម្លាប់​ពួក​សង្ឃ​ទាំង​នេះ​ចោល​ទៅ!​»។ ដូច្នេះ ដូអេក​ដែល​ជា​ជន​ជាតិ​អេដំ+ក៏​ស្ទុះ​ទៅ​សម្លាប់​ពួក​សង្ឃ​ដោយ​ផ្ទាល់​ដៃ​គាត់។ នៅ​ថ្ងៃ​នោះ គាត់​សម្លាប់​ពួក​សង្ឃ*អស់​៨៥​នាក់។+ ១៩ មិន​ត្រឹម​តែ​ប៉ុណ្ណោះ គាត់​បាន​ទៅ​វាយ​ប្រហារ​ក្រុង​ណូប+ជា​ក្រុង​របស់​ពួក​សង្ឃ​ទាំង​នោះ ហើយ​បាន​សម្លាប់​មនុស្ស​ទាំង​ប្រុស​ទាំង​ស្រី និង​កូន​ក្មេង ព្រម​ទាំង​សត្វ​គោ សត្វ​លា និង​សត្វ​ចៀម​ទៀត​ផង។