-
យ៉ូស្វេ ១០:២៩, ៣០គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៩ បន្ទាប់មក យ៉ូស្វេនិងកងទ័ពអ៊ីស្រាអែលទាំងអស់ចេញពីក្រុងម៉ាកេដាទៅក្រុងលិបណា ហើយធ្វើសង្គ្រាមនឹងអ្នកក្រុងនោះ។+ ៣០ ព្រះយេហូវ៉ាក៏បានប្រគល់ក្រុងលិបណានិងស្ដេចក្រុងនោះ+ទៅក្នុងកណ្ដាប់ដៃរបស់ពួកអ៊ីស្រាអែលដែរ។ ពួកគេបានវាយប្រហារក្រុងនោះ និងសម្លាប់មនុស្សទាំងអស់ក្នុងក្រុងនោះ មិនទុកអ្នកណាម្នាក់ឲ្យនៅរស់ឡើយ។ ពួកគេប្រព្រឹត្តចំពោះស្ដេចក្រុងលិបណា ដូចពួកគេបានប្រព្រឹត្តចំពោះស្ដេចក្រុងយេរីខូដែរ។+
-
-
បណ្ដាស្ដេចទី២ ៨:២២គម្ពីរបរិសុទ្ធសេចក្ដីបកប្រែពិភពលោកថ្មី
-
-
២២ ប៉ុន្តែ ពួកអេដំនៅតែបះបោរប្រឆាំងនឹងពួកយូដារហូតមកដល់សព្វថ្ងៃ។ នៅគ្រានោះ ក្រុងលិបណា+ក៏បានបះបោរប្រឆាំងដែរ។
-
-
បណ្ដាស្ដេចទី២ ១៩:៨-១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៨ ក្រោយមក រ៉ាបសាកេបានឮដំណឹងថាស្ដេចស្រុកអាស៊ីរីបានដកថយចេញពីក្រុងឡាគីស។+ គាត់ក៏ត្រឡប់ទៅជួបស្ដេចរបស់គាត់វិញ ហើយឃើញស្ដេចកំពុងច្បាំងនឹងក្រុងលិបណា។+ ៩ លំដាប់នោះ មានគេនាំដំណឹងមកប្រាប់ស្ដេចស្រុកអាស៊ីរីថា៖ «ទៀហាកាជាស្ដេចស្រុកអេត្យូពីបានមកច្បាំងនឹងលោកហើយ»។ ដូច្នេះ គាត់ក៏ចាត់ពួកអ្នកនាំសារ+ឲ្យទៅជួបហេសេគាម្ដងទៀត ហើយប្រាប់គាត់ថា៖ ១០ «អ្នករាល់គ្នាត្រូវប្រាប់ហេសេគាជាស្ដេចស្រុកយូដាថា៖ ‹កុំឲ្យព្រះរបស់អ្នក ដែលអ្នកទុកចិត្ត បញ្ឆោតអ្នក ដោយធានាថា៖ «ក្រុងយេរូសាឡិមនឹងមិនធ្លាក់ទៅក្នុងកណ្ដាប់ដៃរបស់ស្ដេចស្រុកអាស៊ីរីឡើយ»។+ ១១ មើល! អ្នកបានដឹងថាបណ្ដាស្ដេចស្រុកអាស៊ីរីបានបំផ្លាញស្រុកទាំងប៉ុន្មានរួចទៅហើយ។+ តើអ្នកស្មានថាអ្នកនឹងរួចខ្លួនឬ? ១២ ឯប្រជាជាតិនានាដែលបុព្វបុរសខ្ញុំបានបំផ្លាញចោលនោះ តើព្រះរបស់ពួកគេអាចសង្គ្រោះពួកគេបានឬ? ចុះពួកកូសាន ពួកហារ៉ាន+ និងពួករេសែភ តើឥឡូវនៅឯណា? ឯពួកអេដែនដែលរស់នៅតំបន់ថេលអាសសាវិញ តើពួកគេនៅឯណា? ១៣ តើស្ដេចនៃក្រុងហាម៉ាត ក្រុងអើផាត និងក្រុងសេផាវែម ក្រុងហេណា និងក្រុងអ៊ីវ៉ា នៅឯណា?›»។+
-