-
បណ្ដាស្ដេចទី២ ១៩:១៤-១៩គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៤ ហេសេគាក៏ទទួលសំបុត្រពីដៃរបស់ពួកអ្នកនាំសារ រួចយកមកអាន។ រួចមក ហេសេគាបានឡើងទៅវិហារព្រះយេហូវ៉ា ហើយលាសំបុត្រនោះនៅចំពោះព្រះយេហូវ៉ា។+ ១៥ បន្ទាប់មក ហេសេគាក៏អធិដ្ឋាន+នៅមុខព្រះយេហូវ៉ាថា៖ «ឱព្រះយេហូវ៉ាជាព្រះនៃជនជាតិអ៊ីស្រាអែលអើយ លោកជាព្រះដែលអង្គុយលើបល្ល័ង្កលើ*បណ្ដាចេរូប៊ីន+ គឺលោកតែមួយប៉ុណ្ណោះ ជាព្រះពិតលើរាជាណាចក្រទាំងអស់នៅផែនដី។+ លោកបានបង្កើតផ្ទៃមេឃនិងផែនដី។ ១៦ ឱព្រះយេហូវ៉ាអើយ! សូមលោកមើលផង។+ ឱព្រះយេហូវ៉ាអើយ! សូមផ្ទៀងត្រចៀកស្ដាប់ផង។+ សូមស្ដាប់ពាក្យប្រមាថរបស់សានហេរីប ជាពាក្យមើលងាយដល់ព្រះដែលមានជីវិតរស់នៅ។ ១៧ ឱព្រះយេហូវ៉ាអើយ! បណ្ដាស្ដេចស្រុកអាស៊ីរីពិតជាបានបំផ្លាញប្រជាជាតិនានានិងទឹកដីរបស់ពួកគេមែន។+ ១៨ ពួកគេក៏បានដុតបំផ្លាញព្រះរបស់ប្រជាជាតិទាំងនោះដែរ ព្រោះព្រះទាំងនោះ គឺធ្វើពីឈើពីថ្ម ជាស្នាដៃរបស់មនុស្ស+ មិនមែនជាព្រះពិតទេ។+ ហេតុនេះហើយបានជាពួកគេអាចបំផ្លាញចោលបាន។ ១៩ ឱព្រះយេហូវ៉ាអើយ! សូមជួយសង្គ្រោះយើងខ្ញុំពីកណ្ដាប់ដៃរបស់សានហេរីបផង ដើម្បីឲ្យគ្រប់ប្រជាជាតិនៅផែនដីបានដឹងថាមានតែព្រះយេហូវ៉ាតែមួយប៉ុណ្ណោះ ជាព្រះពិត»។+
-