១១ ប៉ុន្តែ ម៉ូសេ​បាន​តប​ទៅ​ព្រះ​ពិត​ថា​៖ ​«​តើ​ខ្ញុំ​ជា​នរណា​ទៅ បាន​ជា​លោក​ចាត់​ខ្ញុំ​ឲ្យ​ទៅ​ជួប​ផារ៉ូ ហើយ​នាំ​កូន​ចៅ​អ៊ីស្រាអែល​ចេញ​ពី​ស្រុក​អេហ្ស៊ីប​នោះ?​»។ ១២ លោក​បាន​តប​វិញ​ថា​៖ ​«​ខ្ញុំ​នឹង​នៅ​ជា​មួយ​អ្នក។+ អ្នក​នឹង​នាំ​រាស្ត្រ​ខ្ញុំ​ចេញ​ពី​ស្រុក​អេហ្ស៊ីប ហើយ​មក​គោរព​ប្រណិប័តន៍​ខ្ញុំ​នៅ​លើ​ភ្នំ​នេះ។ នេះ​ហើយ​ជា​សញ្ញា​សម្គាល់​របស់​ខ្ញុំ ហើយ​តាម​របៀប​នេះ​អ្នក​នឹង​ដឹង​ថា​គឺ​ជា​ខ្ញុំ ដែល​បាន​ចាត់​អ្នក​ឲ្យ​ទៅ​»។+

២០ ព្រះ​យេហូវ៉ា​ប្រកាស​ថា​៖ ​«​ខ្ញុំ​នឹង​ធ្វើ​ឲ្យ​អ្នក​រឹង​មាំ​នៅ​ចំពោះ​បណ្ដា​ជន​នេះ​ប្រៀប​ដូច​ជា​កំពែង​ស្ពាន់។+

៩ ម្យ៉ាង​ទៀត នៅ​ពេល​យប់ ប៉ូល​បាន​ទទួល​ការ​បើក​បង្ហាញ​ក្នុង​គំនិត ដោយ​ឮ​លោក​ម្ចាស់​មាន​ប្រសាសន៍​ថា​៖ ​«​កុំ​ខ្លាច​ឡើយ តែ​ចូរ​បន្ត​និយាយ ហើយ​កុំ​នៅ​ស្ងៀម ១០ ពី​ព្រោះ​ខ្ញុំ​នៅ​ជា​មួយ​នឹង​អ្នក+ ហើយ​គ្មាន​អ្នក​ណា​ម្នាក់​នឹង​វាយ​ធ្វើ​បាប​អ្នក​ឡើយ ព្រោះ​ខ្ញុំ​មាន​មនុស្ស​ជា​ច្រើន​នៅ​ក្រុង​នេះ​»។