៧ ​«​ព្រោះ​ព្រះ​យេហូវ៉ា​ជា​ម្ចាស់​ដ៏​ឧត្ដម​បំផុត​មាន​ប្រសាសន៍​ថា​៖ ‹មើល! ខ្ញុំ​នឹង​នាំ​នេប៊ូក្នេសា​ជា​ស្ដេច​ស្រុក​បាប៊ីឡូន ដែល​ជា​ស្ដេច​លើ​អស់​ទាំង​ស្ដេច+ ឲ្យ​មក​ទាស់​នឹង​ក្រុង​ទីរ៉ុស។ គាត់​នឹង​មក​ពី​ទិស​ខាង​ជើង+ ដោយ​មាន​ទ័ព​សេះ+ ទ័ព​រទេះ​ចម្បាំង+ និង​ទាហាន​យ៉ាង​ច្រើន។

១៩ ​«​ហេតុ​នេះ ព្រះ​យេហូវ៉ា​ជា​ម្ចាស់​ដ៏​ឧត្ដម​បំផុត​មាន​ប្រសាសន៍​ថា​៖ ‹មើល! ខ្ញុំ​នឹង​ប្រគល់​ស្រុក​អេហ្ស៊ីប​ដល់​នេប៊ូក្នេសា​ជា​ស្ដេច​ស្រុក​បាប៊ីឡូន។+ គាត់​នឹង​រឹប​អូស​យក​ទ្រព្យ​សម្បត្តិ​និង​របស់​របរ​ជា​ច្រើន​ពី​ទី​នោះ ហើយ​អ្វី​ៗ​ទាំង​នោះ​នឹង​ទៅ​ជា​ប្រាក់​ឈ្នួល​ដល់​កង​ទ័ព​គាត់›។