-
ជំរឿនបណ្ដាជន ១៤:១៣-១៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ ប៉ុន្តែ ម៉ូសេបានជម្រាបព្រះយេហូវ៉ាថា៖ «បើធ្វើដូច្នេះ ជនជាតិអេហ្ស៊ីបដែលបានឃើញលោកប្រើឫទ្ធានុភាពដ៏ខ្លាំងក្លា ដើម្បីនាំបណ្ដាជនអ៊ីស្រាអែលចេញពីស្រុកអេហ្ស៊ីប មុខជាឮអំពីរឿងនេះមិនខាន+ ១៤ ហើយពួកគេនឹងនិយាយរឿងនេះប្រាប់ដល់ពួកអ្នកស្រុកនេះ។ ពួកគេក៏ឮដែរថា ព្រះយេហូវ៉ានៅក្នុងចំណោមបណ្ដាជនអ៊ីស្រាអែល+ ហើយបានលេចមកជួបពួកគេដោយផ្ទាល់។+ លោកជាព្រះយេហូវ៉ា ហើយបង្គោលពពករបស់លោកស្ថិតនៅលើពួកគេ។ លោកបាននាំមុខបណ្ដាជនអ៊ីស្រាអែលដោយបង្គោលពពកនៅពេលថ្ងៃ និងដោយបង្គោលភ្លើងនៅពេលយប់។+ ១៥ ប្រសិនបើលោកប្រហារបណ្ដាជនអ៊ីស្រាអែលនេះតែម្ដង នោះប្រជាជាតិនានាដែលឮអំពីកិត្តិនាមរបស់លោក មុខជានិយាយថា៖ ១៦ ‹ព្រះយេហូវ៉ាមិនអាចនាំបណ្ដាជនអ៊ីស្រាអែលចូលទៅក្នុងស្រុកដែលលោកបានសន្យាឲ្យពួកគេនោះទេ ហេតុនេះហើយបានជាលោកសម្លាប់ពួកគេចោលនៅតំបន់ស្ងាត់ជ្រងំ›។+
-
-
ការបំភ្លឺច្បាប់ ៩:២៧, ២៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៧ សូមលោកនឹកឃើញអ្នកបម្រើរបស់លោកផង គឺអាប្រាហាំ អ៊ីសាក និងយ៉ាកុប។+ សូមលោកកុំប្រកាន់នឹងការរឹងចចេសរបស់រាស្ត្រលោក ព្រមទាំងអំពើទុច្ចរិតនិងអំពើខុសឆ្គងរបស់ពួកគេឡើយ។+ ២៨ បើមិនដូច្នោះទេ ប្រជាជាតិនៅក្នុងស្រុកដែលលោកបាននាំយើងខ្ញុំចេញមកនោះ មុខជានិយាយថា៖ ‹ព្រះយេហូវ៉ាមិនអាចនាំពួកគេចូលទៅក្នុងស្រុកដែលបានសន្យាទេ ហើយមកពីលោកស្អប់ពួកគេ បានជាលោកនាំពួកគេចេញមកដើម្បីឲ្យពួកគេស្លាប់នៅតំបន់ស្ងាត់ជ្រងំ»។+
-