-
ម៉ាកុស ២:១៥-១៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ ក្រោយមក ពេលលោកយេស៊ូកំពុងអង្គុយពិសាអាហារក្នុងផ្ទះរបស់លេវី នោះអ្នកយកពន្ធនិងអ្នកប្រព្រឹត្តអំពើខុសឆ្គងជាច្រើននាក់ បានមករួមតុជាមួយនឹងលោកយេស៊ូនិងពួកអ្នកកាន់តាមលោក ហើយពួកគេជាច្រើននាក់បានក្លាយជាអ្នកកាន់តាមលោក។+ ១៦ ប៉ុន្តែ ពេលដែលពួកអ្នកជំនាញខាងច្បាប់ពីក្រុមផារិស៊ី បានឃើញលោកកំពុងពិសាអាហារជាមួយនឹងអ្នកដែលប្រព្រឹត្តអំពើខុសឆ្គងនិងអ្នកយកពន្ធ នោះពួកគេសួរអ្នកកាន់តាមលោកថា៖ «តើគាត់ក៏បរិភោគជាមួយនឹងអ្នកយកពន្ធនិងអ្នកប្រព្រឹត្តអំពើខុសឆ្គងដែរឬ?»។ ១៧ ពេលឮដូច្នេះ លោកយេស៊ូមានប្រសាសន៍ទៅពួកគេថា៖ «អ្នកដែលមានសុខភាពមាំមួនមិនត្រូវការគ្រូពេទ្យឡើយ តែអ្នកដែលឈឺ ទើបត្រូវការគ្រូពេទ្យ។ ខ្ញុំមិនបានមកដើម្បីហៅមនុស្សសុចរិតឡើយ តែបានមកដើម្បីហៅអ្នកដែលប្រព្រឹត្តអំពើខុសឆ្គងវិញ»។+
-
-
លូកា ៥:២៩-៣២គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៩ រួចមក លេវីបានរៀបចំពិធីជប់លៀងដ៏ធំមួយនៅផ្ទះរបស់គាត់។ ក្នុងពិធីនោះ មានអ្នកយកពន្ធមួយក្រុមធំ និងអ្នកឯទៀតកំពុងអង្គុយរួមតុជាមួយនឹងពួកគាត់។+ ៣០ ឃើញដូច្នេះ ពួកផារិស៊ីនិងពួកអ្នកជំនាញខាងច្បាប់ ចាប់ផ្ដើមរអ៊ូរទាំដាក់ពួកអ្នកកាន់តាមលោកថា៖ «ហេតុអ្វីអ្នករាល់គ្នាផឹកនិងបរិភោគជាមួយនឹងអ្នកយកពន្ធនិងអ្នកប្រព្រឹត្តអំពើខុសឆ្គងដូច្នេះ?»។+ ៣១ លោកយេស៊ូតបឆ្លើយថា៖ «មនុស្សដែលមានសុខភាពល្អមិនត្រូវការគ្រូពេទ្យទេ តែអ្នកដែលឈឺ ទើបត្រូវការគ្រូពេទ្យ។+ ៣២ ខ្ញុំមិនបានមកដើម្បីហៅមនុស្សសុចរិតទេ តែបានមកដើម្បីហៅអ្នកដែលប្រព្រឹត្តអំពើខុសឆ្គងឲ្យប្រែចិត្តវិញ»។+
-