-
ម៉ាកុស ៥:២២-២៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
២២ ពេលនោះ អ្នកទទួលខុសត្រូវសាលាប្រជុំមួយរូបឈ្មោះយ៉ែរ៉ូស ក៏បានមកដែរ។ ពេលគាត់ឃើញលោក គាត់លំឱនកាយនៅជិតជើងលោក។+ ២៣ គាត់បានអង្វរលោកជាច្រើនដងថា៖ «កូនស្រីរបស់ខ្ញុំឈឺធ្ងន់ណាស់។* សូមលោកអញ្ជើញមកដាក់ដៃលើនាង+ ដើម្បីឲ្យនាងបានជាឡើងវិញ ហើយអាចរស់តទៅទៀត»។ ២៤ ឮដូច្នេះ លោកបានទៅជាមួយនឹងគាត់ ហើយមនុស្សមួយក្រុមធំបានទៅតាមទាំងប្រជ្រៀតលោក។
-
-
លូកា ៨:៤១, ៤២គម្ពីរបរិសុទ្ធសេចក្ដីបកប្រែពិភពលោកថ្មី
-
-
៤១ ប៉ុន្តែពេលនោះ មានបុរសម្នាក់ឈ្មោះយ៉ែរ៉ូសជាអ្នកទទួលខុសត្រូវសាលាប្រជុំ គាត់បានមកក្រាបនៅមុខលោកយេស៊ូ ហើយក៏អង្វរសុំឲ្យលោកទៅផ្ទះរបស់គាត់+ ៤២ ពីព្រោះកូនស្រីតែមួយគត់របស់គាត់ដែលមានអាយុប្រហែល១២ឆ្នាំ កំពុងឈឺជិតស្លាប់។
កាលដែលលោកយេស៊ូកំពុងធ្វើដំណើរទៅ នោះបណ្ដាជនបានប្រជ្រៀតគ្នានៅជុំវិញលោក។
-