បណ្ណាល័យអ៊ីនធឺណិតរបស់ប៉មយាម

ម៉ាថាយ ១២:១៥, ១៦

គម្ពីរបរិសុទ្ធសេចក្ដីបកប្រែពិភពលោកថ្មី
- ១៥ ពេលលោកយេស៊ូជ្រាបដូច្នេះ លោកបានចេញពីទីនោះ។ មនុស្សជាច្រើនក៏បានទៅតាមលោកដែរ+ ហើយលោកបានធ្វើឲ្យពួកគេទាំងអស់គ្នាជាសះស្បើយ។ ១៦ ប៉ុន្តែ លោកបានបង្គាប់ពួកគេយ៉ាងម៉ឺងម៉ាត់ មិនឲ្យប្រាប់គេថាលោកជាអ្នកណាឡើយ។+

ម៉ាកុស ១:៤៤, ៤៥

គម្ពីរបរិសុទ្ធសេចក្ដីបកប្រែពិភពលោកថ្មី
- ៤៤ ដោយពោលថា៖ «កុំប្រាប់អ្នកណាឲ្យសោះ តែដោយសារអ្នកបានជាស្អាត ចូរទៅបង្ហាញខ្លួនដល់ពួកសង្ឃ ថែមទាំងជូនអ្វីដែលច្បាប់ម៉ូសេបានបង្គាប់+ ដើម្បីឲ្យពួកសង្ឃអាចឃើញថាអ្នកបានជាស្អាតហើយ»។+ ៤៥ ប៉ុន្តែ ក្រោយពីគាត់បានចេញទៅ គាត់ចាប់ផ្ដើមប្រកាសឲ្យមនុស្សឮសុសសាយនៅទីជិតឆ្ងាយអំពីរឿងនោះ រហូតដល់លោកយេស៊ូមិនអាចចូលក្នុងក្រុងណាមួយដោយបើកចំហបានទៀត។ ផ្ទុយទៅវិញ លោកត្រូវនៅខាងក្រៅ នាកន្លែងឆ្ងាយពីគេ។ ទោះជាយ៉ាងនោះក៏ដោយ មនុស្សនៅតែមករកលោកពីគ្រប់ទិសទី។+

ម៉ាកុស ៧:៣៥, ៣៦

គម្ពីរបរិសុទ្ធសេចក្ដីបកប្រែពិភពលោកថ្មី
- ៣៥ រំពេចនោះ គាត់ក៏អាចស្ដាប់ឮ+ ហើយអាចគ្រលាស់អណ្ដាតបាន រួចចាប់ផ្ដើមនិយាយដូចធម្មតា។ ៣៦ រួចមក លោកបានបង្គាប់ពួកគេកុំឲ្យប្រាប់អ្នកណាឲ្យសោះ។+ ប៉ុន្តែ លោកកាន់តែហាម ពួកគេកាន់តែប្រកាសអំពីរឿងនោះ។+