២១ តាំង​ពី​ពេល​នោះ​មក លោក​យេស៊ូ​ចាប់​ផ្ដើម​ពន្យល់​អ្នក​កាន់​តាម​ថា លោក​ត្រូវ​ទៅ​ក្រុង​យេរូសាឡិម ហើយ​ពួក​អ្នក​ចាស់​ទុំ ពួក​សង្ឃនាយក និង​ពួក​អ្នក​ជំនាញ​ខាង​ច្បាប់ នឹង​ធ្វើ​ឲ្យ​លោក​រង​ទុក្ខ​លំបាក​ជា​ច្រើន។ លោក​ក៏​នឹង​ត្រូវ​គេ​សម្លាប់ ហើយ​នៅ​ថ្ងៃ​ទី​៣ លោក​នឹង​ត្រូវ​ប្រោស​ឲ្យ​រស់​ឡើង​វិញ។+

២២ ពេល​ដែល​ពួក​គាត់​នៅ​ជុំ​គ្នា​ក្នុង​ស្រុកកាលីឡេ នោះ​លោក​យេស៊ូ​មាន​ប្រសាសន៍​ទៅ​ពួក​គាត់​ថា​៖ ​«​កូន​មនុស្ស​នឹង​ត្រូវ​គេ​ក្បត់ ហើយ​បញ្ជូន​ទៅ​ក្នុង​កណ្ដាប់​ដៃ​របស់​សត្រូវ+ ២៣ ហើយ​ពួក​គេ​នឹង​សម្លាប់​លោក រួច​នៅ​ថ្ងៃ​ទី​៣ លោក​នឹង​ត្រូវ​ប្រោស​ឲ្យ​រស់​ឡើង​វិញ​»។+ ឮ​ដូច្នេះ ពួក​គាត់​កើត​ទុក្ខ​ខ្លាំង​ណាស់។

៣១ ម្យ៉ាង​ទៀត លោក​ចាប់​ផ្ដើម​បង្រៀន​ពួក​គាត់​ថា កូន​មនុស្ស​នឹង​ត្រូវ​រង​ទុក្ខ​លំបាក​ជា​ច្រើន ហើយ​ពួក​អ្នក​ចាស់​ទុំ ពួក​សង្ឃនាយក និង​ពួក​អ្នក​ជំនាញ​ខាង​ច្បាប់ នឹង​មិន​ព្រម​ទទួល​ស្គាល់​លោក​ទេ។ លោក​ក៏​នឹង​ត្រូវ​គេ​សម្លាប់+ រួច​បី​ថ្ងៃ​ក្រោយ​មក លោក​នឹង​រស់​ឡើង​វិញ។+

៤៤ ​«​ចូរ​យក​ចិត្ត​ទុក​ដាក់​ស្ដាប់ ហើយ​ចាំ​ពាក្យ​ទាំង​នេះ​ថា កូន​មនុស្ស​នឹង​ត្រូវ​គេ​ក្បត់ ហើយ​បញ្ជូន​ទៅ​ក្នុង​កណ្ដាប់​ដៃ​របស់​សត្រូវ​»។+ ៤៥ ប៉ុន្តែ ពួក​គាត់​មិន​បាន​យល់​អំពី​អត្ថន័យ​នៃ​ពាក្យ​ទាំង​នោះ​ទេ។ តាម​ការ​ពិត អត្ថន័យ​នោះ​បាន​ត្រូវ​លាក់​ពី​ពួក​គាត់​ដើម្បី​កុំ​ឲ្យ​ពួក​គាត់​យល់​បាន ហើយ​ពួក​គាត់​ក៏​មិន​ហ៊ាន​សួរ​លោក​អំពី​ពាក្យ​ទាំង​នោះ​ដែរ។