• ចម្រៀងសរសើរព្រះ ១០៣:១០-១២
    គម្ពីរបរិសុទ្ធសេចក្ដីបកប្រែពិភពលោកថ្មី

    • ១០ លោក​មិន​បាន​ដាក់​ទោស​យើង​ឲ្យ​សម​នឹង​អំពើ​ខុស​ឆ្គង​របស់​យើង​ទេ+

      ហើយ​លោក​ក៏​មិន​តប​ស្នង​យើង​តាម​កំហុស​របស់​យើង​ដែរ។+

      ១១ ព្រោះ​ដូច​កម្ពស់​ពី​ផែនដី​ទៅ​មេឃ មិន​អាច​វាស់​ស្ទង់​បាន

      នោះ​សេចក្ដី​ស្រឡាញ់​ដ៏​ធំ​ធេង*ដែល​លោក​មាន​ចំពោះ​អស់​អ្នក​ដែល​កោត​ខ្លាច​លោក ក៏​មិន​អាច​វាស់​ស្ទង់​បាន​ដែរ។+

      ១២ ដូច​ទិស​ខាង​លិច​ឆ្ងាយ​ពី​ទិស​ខាង​កើត​យ៉ាង​ណា

      នោះ​លោក​ក៏​ដក​អំពើ​រំលង​របស់​យើង​ឲ្យ​ចេញ​ឆ្ងាយ​យ៉ាង​នោះ​ដែរ។+

  • អេភេសូរ ៤:៣២
    គម្ពីរបរិសុទ្ធសេចក្ដីបកប្រែពិភពលោកថ្មី

    • ៣២ ប៉ុន្តែ ចូរ​ប្រព្រឹត្ត​ដោយ​សប្បុរស​ដល់​គ្នា​ទៅ​វិញ​ទៅ​មក មាន​សេចក្ដី​អាណិត​មេត្តា+ ហើយ​អភ័យ​ទោស​ឲ្យ​គ្នា​ទៅ​វិញ​ទៅ​មក​ដោយ​គ្មាន​ល័ក្ខខ័ណ្ឌ ដូច​ព្រះ​បាន​អភ័យ​ទោស​ឲ្យ​អ្នក​រាល់​គ្នា​តាម​រយៈ​គ្រិស្ត ដោយ​គ្មាន​ល័ក្ខខ័ណ្ឌ​ដែរ។+

  • កូឡុស ៣:១៣
    គម្ពីរបរិសុទ្ធសេចក្ដីបកប្រែពិភពលោកថ្មី

    • ១៣ ទោះ​ជា​អ្នក​ណា​មាន​ហេតុ​ត្អូញត្អែរ​អំពី​អ្នក​ណា​ម្នាក់​ក៏​ដោយ+ ចូរ​ទ្រាំ​ទ្រ​គ្នា​ទៅ​វិញ​ទៅ​មក ហើយ​អភ័យ​ទោស​ឲ្យ​គ្នា​ទៅ​វិញ​ទៅ​មក​ដោយ​គ្មាន​ល័ក្ខខ័ណ្ឌ។+ ព្រះ​យេហូវ៉ា*បាន​អភ័យ​ទោស​ឲ្យ​អ្នក​រាល់​គ្នា​ដោយ​គ្មាន​ល័ក្ខខ័ណ្ឌ។ ម្ល៉ោះ​ហើយ អ្នក​រាល់​គ្នា​ត្រូវ​ធ្វើ​ដូច្នោះ​ដែរ។+