ចម្រៀងសរសើរព្រះ
៤៣ ឱព្រះអើយ សូមវិនិច្ឆ័យខ្ញុំ+
សូមលោកការពារក្ដីឲ្យខ្ញុំ+ ដើម្បីតតាំងនឹងប្រជាជាតិមួយដែលគ្មានភក្ដីភាព
សូមជួយសង្គ្រោះខ្ញុំពីជនបោកប្រាស់និងជនទុច្ចរិត។
២ ព្រោះលោកជាព្រះនិងជាបន្ទាយរបស់ខ្ញុំ+
ហេតុអ្វីបានជាលោកបោះបង់ចោលខ្ញុំ?
ហេតុអ្វីខ្ញុំត្រូវដើរទូទុក្ខព្រោះតែសត្រូវសង្កត់សង្កិនខ្ញុំ?+
៣ សូមលោកចាត់ពន្លឺនិងសេចក្ដីពិតរបស់លោក+
សូមឲ្យអ្វីទាំងនោះដឹកនាំខ្ញុំ+
សូមឲ្យអ្វីទាំងនោះនាំផ្លូវខ្ញុំទៅឯភ្នំបរិសុទ្ធនិងត្រសាលដ៏រុងរឿងរបស់លោក។+
៤ រួចខ្ញុំនឹងទៅទីបូជារបស់ព្រះ+
គឺទៅឯព្រះដែលនាំឲ្យខ្ញុំមានអំណរក្រៃលែង។
ឱព្រះ ព្រះរបស់ខ្ញុំ ខ្ញុំនឹងដេញពិណសរសើរតម្កើងលោក។+
៥ ហេតុអ្វីខ្ញុំធ្លាក់ទឹកចិត្តខ្លាំងម្ល៉េះ?
ហេតុអ្វីខ្ញុំជ្រួលច្របល់ក្នុងចិត្ត?