ចម្រៀងសរសើរព្រះ
ទំនុករបស់ដាវីឌ។
២៦ ឱព្រះយេហូវ៉ា សូមវិនិច្ឆ័យខ្ញុំ ព្រោះខ្ញុំបានដើរដោយចិត្តស្មោះឥតងាករេ+
ខ្ញុំបានទុកចិត្តព្រះយេហូវ៉ាដោយឥតប្រែប្រួល។+
២ ឱព្រះយេហូវ៉ា សូមពិនិត្យមើលខ្ញុំ ហើយសាកល្បងខ្ញុំចុះ
៣ ព្រោះខ្ញុំចាំជានិច្ចអំពីសេចក្ដីស្រឡាញ់ដ៏ស្មោះត្រង់របស់លោក
ខ្ញុំដើរតាមផ្លូវត្រឹមត្រូវរបស់លោក។+
៥ ខ្ញុំមិនចូលចិត្ត*នៅជាមួយនឹងពួកមនុស្សអាក្រក់ទេ+
ខ្ញុំមិនព្រមរាប់អានជនទុច្ចរិតជាដាច់ខាត។+
៦ ឱព្រះយេហូវ៉ា ខ្ញុំនឹងលាងដៃដើម្បីបញ្ជាក់ថាខ្ញុំស្អាតស្អំ
ហើយខ្ញុំនឹងដើរជុំវិញទីបូជារបស់លោក
៧ ដើម្បីឲ្យមនុស្សឮពាក្យថ្លែងអំណរគុណរបស់ខ្ញុំ+
និងដើម្បីប្រកាសប្រាប់អំពីកិច្ចការដ៏អស្ចារ្យទាំងអស់របស់លោក។
៩ សូមកុំប្រល័យជីវិតខ្ញុំជាមួយនឹងអ្នកដែលធ្វើអំពើខុសឆ្គង+
សូមកុំសម្លាប់ខ្ញុំជាមួយនឹងមនុស្សឃោរឃៅឡើយ។
១០ ពួកគេប្រព្រឹត្តតែអំពើដែលគួរឲ្យខ្មាស
ឯដៃស្ដាំរបស់ពួកគេពេញទៅដោយសំណូក។
១១ រីឯខ្ញុំវិញ ខ្ញុំនឹងដើរដោយចិត្តស្មោះឥតងាករេ។
សូមសង្គ្រោះ*ខ្ញុំ ហើយបង្ហាញសេចក្ដីសប្បុរសដល់ខ្ញុំផង។