ចម្រៀងសរសើរព្រះ
ទំនុករបស់ដាវីឌ។
២៤ ផែនដីនិងអ្វីៗទាំងអស់នៅផែនដីជារបស់ព្រះយេហូវ៉ា+
រួមទាំងដីដែលបង្កើតភោគផល និងមនុស្សដែលអាស្រ័យនៅផែនដីផង។
២ លោកបានចាក់គ្រឹះផែនដីយ៉ាងរឹងមាំលើសមុទ្រ+
ហើយធ្វើឲ្យផែនដីនៅស្ថិតស្ថេរលើទន្លេ។
៣ តើអ្នកណាអាចឡើងភ្នំរបស់ព្រះយេហូវ៉ាបាន?+
តើអ្នកណាអាចឈរនៅកន្លែងបរិសុទ្ធរបស់លោក?
៤ គឺអ្នកដែលគ្មានកន្លែងបន្ទោស និងមានចិត្តបរិសុទ្ធ+
ជាអ្នកដែលមិនស្បថបំពានដោយអាងខ្ញុំ*
ហើយក៏មិនស្បថដើម្បីបោកបញ្ឆោតគេដែរ។+
៦ ឱព្រះរបស់យ៉ាកុប នោះហើយជាពួកអ្នកដែលស្វែងរកលោក
គឺពួកអ្នកដែលព្យាយាមធ្វើឲ្យលោកពេញចិត្ត។ (ស៊ីឡា)
៧ ឱច្រកទ្វារទាំងឡាយ ចូរធ្វើឲ្យខ្លួនខ្ពស់ឡើង+
ឱខ្លោងទ្វារពីបុរាណ ចូរបើកឲ្យធំ
ដើម្បីឲ្យស្ដេចដ៏រុងរឿងអាចចូលទៅបាន!+
៨ តើស្ដេចដ៏រុងរឿងនេះជានរណា?
គឺព្រះយេហូវ៉ា ជាព្រះដ៏រឹងមាំនិងមានឫទ្ធានុភាពខ្លាំងក្លា+
ព្រះយេហូវ៉ាជាអ្នកចម្បាំងដ៏អស្ចារ្យ។+
៩ ឱច្រកទ្វារទាំងឡាយ ចូរធ្វើឲ្យខ្លួនខ្ពស់ឡើង+
ឱខ្លោងទ្វារពីបុរាណ ចូរបើកឲ្យធំ
ដើម្បីឲ្យស្ដេចដ៏រុងរឿងអាចចូលទៅបាន!
១០ តើស្ដេចដ៏រុងរឿងនេះជានរណា?
គឺព្រះយេហូវ៉ានៃបណ្ដាកងទ័ពស្ថានសួគ៌ លោកជាស្ដេចដ៏រុងរឿង។+ (ស៊ីឡា)