«ពេជ្រនៃសេចក្ដីពិត»
«ពេជ្រនៃសេចក្ដីពិត»។ នេះហើយជារបៀបដែលសំបុត្រមួយបានរៀបរាប់អំពីទស្សនាវដ្ដីពិសេសពីរ ដែលបានផ្ញើទៅការិយាល័យសាខាស្មរបន្ទាល់ព្រះយេហូវ៉ានៅប្រទេសនីហ្សេរ្ស៉ា។ អ្នកសរសេរនោះគឺជាយុវបុរសម្នាក់ ពន្យល់ថា៖
«ខ្ញុំសរសេរនេះដើម្បីថ្លែងអំណរគុណដ៏ស្មោះពីចិត្ត ចំពោះការខំប្រឹងរបស់អ្នក សម្ដែងសឹងតែគ្រប់ទិដ្ឋភាពនៃជីវភាពប្រចាំថ្ងៃក្នុងទស្សនាវដ្ដីប៉មយាម និងទស្សនាវដ្ដីភ្ញាក់រឭក!
«ខ្ញុំអាយុ១៧ឆ្នាំ។ ឆ្នាំមុននេះ ស្ថានីយវិទ្យុក្នុងតំបន់បានបង្កើតប្រកួតខាងការតែងសេចក្ដីមួយ ដែលមានចំណងជើង‹សេចក្ដីស្រឡាញ់មានលក្ខណៈច្រើន មិនគ្រាន់តែរួមសង្វាស—ជម្ងឺអេដស៍ជាការស្តែង›។ សេចក្ដីនិពន្ធនិមួយៗមិនឲ្យតិចជាងបួនរយពាក្យទេ។ រង្វាន់១.០០០នីរ៉ា(១២ដុល្លារ)ត្រូវឲ្យអ្នកណាដែលសរសេរនិពន្ធបានល្អជាងគេ។ ត្រូវហើយ អ្នកប្រកាសវិទ្យុមានប្រសាសន៍ថា មនុស្សមិនគ្រាន់តែសរសេរដើម្បីចង់បានឈ្នះរង្វាន់នោះទេ ផ្ទុយទៅវិញ ដើម្បីរៀននូវអ្វីមួយ . . .។
«ខ្ញុំបានរកឃើញពត៌មានអំពីជម្ងឺអេដស៍ក្នុងទស្សនាវដ្ដីទាំងពីរនេះ។ ចំពោះសេចក្ដីស្រឡាញ់វិញ គឺមានអត្ថបទជាច្រើន។ ខ្ញុំបានប្រើចំណុចខ្លះៗពីទស្សនាវដ្ដីភ្ញាក់រឭក! ៨ សីហា ១៩៧៨។ (ភាសាអង់គ្លេស)
«គ្រាន់តែពីរខែក្រោយពីខ្ញុំបានផ្ញើសេចក្ដីនិពន្ធទៅ លទ្ធផលក៏បានផ្សាយចេញ។ ជាការគួរឲ្យភ្ញាក់ផ្អើលណាស់ ដែលខ្ញុំជាប់បានលេខមួយក្នុងរដ្ឋក្រូសរីវើនិងអាវ៉ាអ៊ីបិម(Cross River and Akwa Ibom)!
«ពត៌មានទាំងអស់ដែលខ្ញុំបានប្រើ គឺមកពីទស្សនាវដ្ដី។ គួរឲ្យអស្ចារ្យមែនដែលព្រះយេហូវ៉ា ផ្ដល់នូវពត៌មានទាន់ពេលសំរាប់យើងក្នុងពិភពលោកដែលពោរពេញទៅដោយទុក្ខលំបាកនិងសេចក្ដីឈឺចាប់។ ជាគ្រីស្ទានពិត យើងដឹងថាមានសេចក្ដីស្រឡាញ់ច្រើនលើសជាជាងការរួមដំណេកទៅទៀត។ ហើយម្យ៉ាងទៀត ការប្រកបជីវិតដោយស្អាតបាត ដោយសីលធម៌ នឹងការពារយើងពីរោគជាច្រើនដូចជារោគអេដស៍។
«ខ្ញុំសូមថ្លែងអំណរអរគុណដល់អ្នកចំពោះពេជ្រនៃសេចក្ដីពិត ដែលអ្នកផលិតមកដោយមិនចេះហត់។ សូមឲ្យព្រះយេហូវ៉ាប្រទានពរដល់ការខំប្រឹងរបស់អ្នក កាលដែលអ្នកបន្តផ្ដល់នូវទស្សនាវដ្ដីដ៏មានតម្លៃទាំងនេះ»។