ការរក្សាការពារកិត្ដិសព្ទល្អ
ការពិនិត្យពិច័យគំនូរដ៏ស្អាតមួយ អាចជាបទពិសោធន៍មួយដ៏ពេញចិត្តមែន។ ពេលមើលយ៉ាងផ្ចិតផ្ចង់ មនុស្សម្នាក់នឹងកត់សម្គាល់នូវរបៀបដែលវិចិត្រករម្នាក់បានប្រើរាប់រយស្នាមជក់ ដើម្បីលាបពណ៌ផ្សេងៗលើផ្ទាំងក្រណាត់។
ស្រដៀងគ្នាដែរ បើនិយាយជាប្រៀបធៀបនោះ កិត្ដិសព្ទដ៏ល្អមួយមិនកើតដោយការលាបខ្វៀកមួយដែលមានទទឹងធំទេ ប៉ុន្តែដោយសារកិច្ចការតូចៗជាច្រើនក្នុងមួយរយៈ។ មែនហើយ បន្ដិចម្ដងៗ កិត្ដិសព្ទរបស់យើងត្រូវបង្កើតឡើងតាមរយៈការប្រព្រឹត្តដែលយើងធ្វើ។
យ៉ាងណាវិញ ការខ្វៀកលាបខុសមួយអាចបន្ថយតម្លៃនៃគំនូរមួយ។ គឺដូច្នេះដែរចំពោះកិត្ដិសព្ទរបស់យើង។ ស្តេចដ៏មានប្រាជ្ញានាមសាឡូម៉ូនបានមានបន្ទូលថា៖ «សេចក្ដីចំកួតរបស់មនុស្ស រមែងបង្ខូចផ្លូវខ្លួនទៅ»។ (សុភាសិត ១៩:៣) ត្រូវការតែចំកួតបន្ដិចទេ ដូចជាការផ្ទុះយ៉ាងឃោរឃៅនូវកំហឹង ការប្រើហួសហេតុនូវគ្រឿងស្រា ឬការប្រព្រឹត្តនូវអំពើឥតសីលធម៌ខាងកាម នោះនឹងប្រឡាក់កិត្ដិសព្ទមួយដ៏ល្អ។ (សុភាសិត ៦:៣២; ១៤:១៧; ២០:១) ដូច្នេះ គឺសំខាន់ដែលយើងខិតខំទទួលបានកិត្ដិសព្ទដ៏ល្អ ហើយធ្វើការយ៉ាងឧស្សាហ៍ដើម្បីរក្សាការពារនោះ។—ប្រៀបមើល វិវរណៈ ៣:៥