ព្រះគម្ពីរ—ប្រភពនៃការសម្រាលទុក្ខនិងសេចក្ដីសង្ឃឹមក្នុងលោកីយ៍ដែលមានបញ្ហា
១ ជារៀងរហូត លោកីយ៍នេះទុកមនុស្សនៅក្រោមការសង្កត់សង្កិនហើយការត្រូវការនូវការសម្រាលទុក្ខនិងសេចក្ដីសង្ឃឹម។ ព្រះគម្ពីរគឺប្រភពតែមួយនៃការសម្រាលទុក្ខដ៏ពិតមែន។ វាផ្ដល់ឲ្យសេចក្ដីសង្ឃឹមសំរាប់ពិភពលោកថ្មីមួយដែលប្រកបដោយសេចក្ដីសុចរិត។ (រ៉ូម ១៥:៤; ពេត្រុសទី២ ៣:១៣) សៀវភៅ ការយល់ធ្លុះជ្រៅ ក្បាលទី១ ទំព័រ៣១១ បានកត់សម្គាល់ថា៖ «បើគ្មានព្រះគម្ពីរទេ នោះយើងនឹងមិនដែលស្គាល់ព្រះយេហូវ៉ា និងមិនដែលស្គាល់ប្រយោជន៍ដ៏ល្អប្រសើរពីយញ្ញបូជាលោះរបស់ព្រះយេស៊ូ ហើយនិងមិនយល់ពីសេចក្ដីតម្រូវដែលត្រូវតែបំពេញតាមដើម្បីទទួលជីវិតអស់កល្បជានិច្ចនៅក្រោមព្រះរាជាណាចក្រដ៏សុចរិតរបស់ព្រះនោះឡើយ»។
២ ក្នុងកំឡុងខែកុម្ភៈ យើងនឹងបញ្ជាក់ពីមុខនាទីដែលបន្ទូលរបស់ព្រះ ជាព្រះគម្ពីរ មានក្នុងការជួយមនុស្សទ្រាំនូវការសង្កត់សង្កិនពីលោកីយ៍នេះ។ យើងនឹងស្នើផ្ដល់សៀវភៅ ព្រះគម្ពីរ—បន្ទូលនៃព្រះ ឬក៏ពាក្យសំដីនៃមនុស្ស? តើយើងអាចនិយាយថាដូចម្ដេចដើម្បីជួយអ្នកដែលមានភាពទោរទន់ល្អ ឲ្យយល់តម្លៃនៃព្រះគម្ពីរ?
៣ ក្រោយពីអ្នកបាននាំឲ្យគេស្គាល់ខ្លួនអ្នកហើយ អ្នកអាចនិយាយដូចនេះ៖
▪«ប្រហែលជាអ្នកយល់ព្រមថា យើងបានចោមព័ទ្ធនឹងបញ្ហាដែលបង្ខូចសន្ដិសុខខាងចិត្តរបស់យើង។ តើនៅកន្លែងណាដែលយើងអាចរកឃើញនូវឱវាទដ៏មានប្រយោជន៍ ដើម្បីបង្ហាញយើងរបៀបលៃលកដោះស្រាយបញ្ហាទាំងនេះ? [ឲ្យគេឆ្លើយ] ខ្ញុំបានឃើញថា ព្រះគម្ពីរធ្វើឲ្យមានការទុកចិត្ត ពីព្រោះវាបង្រៀនយើងរបៀបមានសុភមង្គល។ [អាន លូកា ១១:២៨] គោលបំណងនៃកិច្ចការរបស់យើងគឺដើម្បីលើកទឹកចិត្តមនុស្សឲ្យអានព្រះគម្ពីរ ហើយទទួលប្រយោជន៍ពីការណែនាំរបស់វា។ សៀវភៅ ព្រះគម្ពីរ—បន្ទូលនៃព្រះ ឬក៏ពាក្យសំដីនៃមនុស្ស? ដែលជាជំនួយសំរាប់ការសិក្សាព្រះគម្ពីរ អាចជួយអ្នកទទួលប្រយោជន៍នោះបាន។ សូមកត់សម្គាល់អ្វីដែលសៀវភៅនេះថាពីអ្វីដែលបង្កបញ្ហាភាគច្រើនក្នុងលោកីយ៍។ [អានឃ្លាទី២ ក្នុងវគ្គទី៩ នៅទំព័រទី១៨៧] បើអ្នកចង់បានសៀវភៅនេះ ខ្ញុំសប្បាយចិត្តនឹងជូនមួយក្បាលនេះឲ្យអ្នក»។
៤ អ្នកអាចសម្រេចប្រើរបៀបដ៏ស្រួលដូចនេះ៖
▪«យើងមានបំណងចង់បណ្ដុះឲ្យមានការគោរពដ៏ជ្រៅជាងសំរាប់ព្រះបន្ទូលរបស់ព្រះ គឺព្រះគម្ពីរ។ ខ្ញុំចង់ជូនខិត្តប័ណ្ណមួយសន្លឹកនេះ ដែលមានប្រធាន ហេតុអ្វីបានជាអ្នកអាចទុកចិត្តព្រះគម្ពីរ? នេះពន្យល់ពីមូលហេតុអ្វីដែលយើងអាចពឹងពាក់ព្រះគម្ពីរដើម្បីរកឃើញសេចក្ដីសង្ឃឹមដ៏ពិតចំពោះពិភពលោកមួយដ៏ប្រសើរជាង។ [បើកមើលទំព័រទី៦ ហើយអាន ទំនុកដំកើង ៣៧:២៩ ព្រមទាំងវគ្គចុងក្រោយនៃទំព័រនោះ] សូមអានខិត្តប័ណ្ណនេះ ហើយនៅពេលខ្ញុំត្រឡប់មកវិញម្ដងទៀត សូមប្រាប់ខ្ញុំពីគំនិតរបស់អ្នកអំពីសេចក្ដីសង្ឃឹមនោះដែលត្រូវផ្ដល់ឲ្យក្នុងព្រះគម្ពីរ»។
៥ ព្រះគម្ពីរជាប្រភពនៃការសម្រាលទុក្ខនិងសេចក្ដីសង្ឃឹមព្រមទាំងសេចក្ដីពិតដែលអាចនាំទៅដល់ជីវិតអស់កល្បជានិច្ច។ (យ៉ូហាន ១៧:៣, ១៧) ការផ្សាយចំណេះពីព្រះគម្ពីរឲ្យអ្នកឯទៀត ក៏ពេញព្រះហឫទ័យរបស់ព្រះយេហូវ៉ា «ដែលទ្រង់សព្វព្រះហឫទ័យ ឲ្យមនុស្សទាំងអស់បានសង្គ្រោះ»។—ធីម៉ូថេទី១ ២:៤