សេចក្ដីជូនដំណឹង
◼ ឧបករណ៍ផ្សាយសំរាប់ខែកុម្ភៈ: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មីនា: សៀវភៅចំណេះដែលនាំទៅដល់ជីវិតអស់កល្បជានិច្ច។ សូមខិតខំជាពិសេសដើម្បីចាប់ផ្ដើមការសិក្សាព្រះគម្ពីរតាមផ្ទះ។ មេសានិងឧសភា: ទស្សនាវដ្ដីប៉មយាម។ ពេលធ្វើការត្រឡប់ទៅជួបនិងឃើញថា គេមានចំណាប់អារម្មណ៍ អ្នកអាចស្នើឲ្យគេជាវទស្សនាវដ្ដីបាន។ ជូនសៀវភៅស្តើងតម្រូវ ដោយមានគោលដៅចាប់ផ្ដើមសិក្សាព្រះគម្ពីរជាមួយគេ។
◼ ពេលកំពុងតែផ្សព្វផ្សាយនៅតំបន់ផ្សាយដែលមិនទាន់ត្រូវកំណត់ឲ្យក្រុមជំនុំណាមួយនៅឡើយ នោះអ្នកផ្សាយអាចផ្ដល់សៀវភៅស្តើងតម្រូវឬក៏សៀវភៅចំណេះបាន។ បើសិនជាម្ចាស់ផ្ទះមានប្រកាសនវត្ថុនេះរួចហើយនោះ អ្នកផ្សាយអាចផ្ដល់ប្រកាសនវត្ថុណាមួយផ្សេងទៀត។ អ្នកផ្សាយទាំងអស់ត្រូវមានខិត្តប័ណ្ណផ្សេងៗជាប់ខ្លួនជានិច្ច ដើម្បីទុកនៅផ្ទះដែលគ្មានអ្នកណានៅឬក៏ផ្ដល់ដល់មនុស្សណាដែលមិនព្រមទទួលប្រកាសនវត្ថុផ្សេងទៀត។ ត្រូវមានការព្យាយាមត្រឡប់ទៅជួបអ្នកចាប់អារម្មណ៍ ជាពិសេសពេលអ្នកត្រួសត្រាយពិសេសផ្សព្វផ្សាយនៅតំបន់ផ្សាយដែលមិនទាន់ត្រូវកំណត់ផ្សព្វផ្សាយឬមួយក៏តំបន់នោះគឺជិតក្រុមជំនុំមួយ។
◼ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំង គួរជំរះបញ្ជីគណនីរបស់ក្រុមជំនុំនៅថ្ងៃទី១ ខែមីនា ឬក៏ប្រញាប់បំផុតដែលអាចធ្វើទៅបានបន្ទាប់ពីថ្ងៃនោះ។ ពេលដែលកិច្ចការនេះបានត្រូវធ្វើហើយ សូមជំរាបក្រុមជំនុំបន្ទាប់ពីសេចក្ដីរាយការណ៍គណនីជាបន្ទាប់ត្រូវអាន។
◼ ស្មៀននិងអ្នកត្រួតពិនិត្យកិច្ចបំរើត្រូវពិនិត្យមើលសកម្មភាពរបស់អ្នកត្រួសត្រាយពេញពេលទាំងអស់។ បើសិនជាមានអ្នកណាមួយដែលមានការពិបាកក្នុងការបំពេញតម្រូវការម៉ោងនោះ អ្នកចាស់ទុំគួររៀបចំឲ្យគេទទួលជំនួយ។ សំរាប់យោបល់ សូមមើលសំបុត្រប្រចាំឆ្នាំ លេខ S-201។ បន្ថែមទៅទៀត សូមមើលសាឡើងវិញនូវវគ្គ ១២-២០ នៃទំព័របន្ថែមក្នុង កិច្ចបំរើព្រះរាជាណាចក្រយើង ខែសីហា ឆ្នាំ១៩៨៦ (ជាភាសាអង់គ្លេស)។
◼ ចូរប្រុងប្រយ័ត្ននឹងការកេងប្រវ័ញ្ចយកលុយតាមប្រព័ន្ធអ៊ិនថឺណិតហើយតាមរយៈសំបុត្រដែលខំអង្គាសប្រាក់ដោយបន្លំថាគេខំជួយបងប្អូនរបស់យើងដែលបានរងគ្រោះដោយសារគ្រោះមហន្តរាយធម្មជាតិ។ ពេលណាដែលកាលៈទេសៈទាមទារឲ្យមានគណៈកម្មាធិការសង្គ្រោះដើម្បីផ្គត់ផ្គង់ជំនួយដល់ស្មរបន្ទាល់ព្រះយេហូវ៉ា នោះសមាគមយើងនឹងទាក់ទងនឹងបងប្រុសៗដែលទទួលខុសត្រូវ។ វិភាគទានសំរាប់សេចក្ដីត្រូវការបែបនេះត្រូវផ្ញើទៅ Watch Tower Bible and Tract Society, 1271 Nakashinden, Ebina City, Kanagawa Pref., 243-0496, Japan.
◼ សុន្ទរកថាពិសេសសំរាប់កំឡុងខែបុណ្យរំឭកឆ្នាំ២០០២ នឹងត្រូវថ្លែងនៅថ្ងៃអាទិត្យ ថ្ងៃទី១៤ ខែមេសា។ ប្រធាននៃសុន្ទរកថានោះគឺជា «ចូរនឹកចាំជានិច្ចនូវ‹ថ្ងៃដ៏គួរស្ញែងខ្លាច!›»។ គម្រោងសុន្ទរកថានឹងត្រូវផ្ដល់ឲ្យ។ ក្រុមជំនុំណាដែលទទួលអ្នកត្រួតពិនិត្យតាមមណ្ឌលជាភ្ញៀវ នៅសន្និបាតតាមមណ្ឌល ឬក៏ថ្ងៃសន្និបាតពិសេសចំថ្ងៃនោះ នឹងមានសុន្ទរកថាពិសេសនៅថ្ងៃអាទិត្យជាបន្ទាប់។ ក្រុមទាំងឡាយមិនគួរមានសុន្ទរកថាពិសេសមុនថ្ងៃទី១៤ ខែមេសា ឆ្នាំ២០០២ឡើយ។
◼ ប្រកាសនវត្ថុថ្មីៗ:
ចូរទទួលប្រយោជន៍ពីការអប់រំក្នុងសាលាកិច្ចបំរើព្រះធិបតេយ្យ—ភាសាអង់គ្លេស, កូរេ, អេស្ប៉ាញ
បទទំនាយរបស់អេសាយគឺជាពន្លឺសំរាប់មនុស្សជាតិ—ក្បាលទីពីរ—ភាសាចិន, ចិន(សម្រាយ), វៀតណាម
បទទំនាយរបស់អេសាយគឺជាពន្លឺសំរាប់មនុស្សជាតិ—ក្បាលទីពីរ—អក្សរធំ—ភាសាអង់គ្លេស
ស្មរបន្ទាល់ព្រះយេហូវ៉ា—តើពួកគេជាអ្នកណា? តើគេជឿអ្វីខ្លះ?—ភាសាខ្មែរ
សេចក្ដីបកប្រែពិភពលោកថ្មីនៃបទគម្ពីរបរិសុទ្ធ (សៀវភៅក្បាលតូច; ក្របស្បែកពណ៌ខ្មៅឬពណ៌ក្រហមចាស់)—ភាសាចិន(សម្រាយ)
តើលោកអ្នកចង់រៀនព្រះគម្ពីរទេ? (ខិត្តប័ណ្ណលេខ២៦)—ភាសាបារាំង