សេចក្ដីជូនដំណឹង
◼ ឧបករណ៍ផ្សាយសំរាប់ខែកញ្ញា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ តុលា: ទស្សនាវដ្ដីប៉មយាម។ បើជួបអ្នកចាប់អារម្មណ៍អាចផ្ដល់ឲ្យសៀវភៅស្តើងតម្រូវ។ ជាពិសេសសូមខំព្យាយាមចាប់ផ្ដើមការសិក្សាព្រះគម្ពីរ។ វិច្ឆិកា: សៀវភៅស្តើងតើព្រះពិតជាស្រឡាញ់មនុស្សយើងមែនឬ? សូមខំព្យាយាមចាប់ផ្ដើមការសិក្សាព្រះគម្ពីរ។ ធ្នូ: សៀវភៅបុរសឧត្តមបំផុតដែលធ្លាប់រស់នៅ ឬក៏សៀវភៅផ្សេងៗឯទៀត ដូចជាសៀវភៅព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? សៀវភៅរឿងព្រះគម្ពីររបស់ខ្ញុំ និងអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។
◼ សុន្ទរកថាពិសេសសំរាប់កំឡុងខែបុណ្យរំឭកឆ្នាំ២០០៥ នឹងត្រូវថ្លែងនៅថ្ងៃអាទិត្យ ថ្ងៃទី១០ ខែមេសា។ ប្រធានសុន្ទរកថានោះនឹងត្រូវប្រកាសប្រាប់នៅលើកក្រោយ។ ក្រុមជំនុំណាដែលមានអ្នកត្រួតពិនិត្យតាមមណ្ឌលធ្វើទស្សនកិច្ច ឬមានសន្និបាតតាមមណ្ឌល ឬថ្ងៃសន្និបាតពិសេសចំថ្ងៃនោះ នឹងមានសុន្ទរកថាពិសេសនៅអាទិត្យជាបន្ទាប់។ ក្រុមជំនុំទាំងឡាយមិនគួរមានសុន្ទរកថាពិសេសមុនថ្ងៃទី១០ ខែមេសា ឆ្នាំ២០០៥ឡើយ។
◼ យើងសូមរំឭកពួកអ្នកចាស់ទុំឲ្យធ្វើតាមការណែនាំដែលបានផ្ដល់មកក្នុងទស្សនាវដ្ដីប៉មយាម ពីថ្ងៃទី១៥ ខែមេសា ឆ្នាំ១៩៩១ ទំព័រ២១-២៣ (ជាភាសាអង់គ្លេស) ស្តីអំពីបុគ្គលណាដែលបានត្រូវបណ្ដាច់មិត្តភាព ឬក៏បានដកខ្លួនចេញនោះ ប្រហែលជាចង់ទទួលមិត្តភាពវិញ។
◼ ពេលទស្សនាវដ្ដីថ្មីមកដល់ក្រុមជំនុំ នោះគឺសំខាន់ឲ្យបងប្អូនប្រុសៗដែលទទួលខុសត្រូវខាងទស្សនាវដ្ដីនៅសាលប្រជុំ ចែកទស្សនាវដ្ដីប៉មយាមភ្លាមៗ។ បើធ្វើដូច្នេះ គឺឲ្យបងប្អូនជាអ្នកផ្សាយមានឱកាសអានទស្សនាវដ្ដីផ្ទាល់ខ្លួន មុនគេផ្ដល់ទស្សនាវដ្ដីក្នុងកិច្ចបំរើផ្សាយ។
◼ ដោយសារខែតុលាមានថ្ងៃសៅរ៍ប្រាំនិងថ្ងៃអាទិត្យប្រាំ ខែនោះជាពេលអំណោយផលដើម្បីត្រួសត្រាយជំនួយ។