សេចក្ដីជូនដំណឹង
◼ ឧបករណ៍ផ្សាយសម្រាប់ខែសីហា: សៀវភៅស្តើងដែលមាន៣២ទំព័រដូចជា: ចូរសប្បាយនឹងជីវិតនៅលើផែនដីជានិរន្តរ៍! រដ្ឋាភិបាលដែលនឹងនាំមកនូវទីមនោរម «មើល! អញធ្វើទាំងអស់ឡើងជាថ្មី» តើព្រះពិតជាស្រឡាញ់មនុស្សយើងមែនឬ? តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? របៀបទទួលបានជីវិតដ៏គាប់ចិត្ត លោកអ្នកអាចធ្វើជាមិត្តសំឡាញ់របស់ព្រះ! ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? តើព្រះតម្រូវអ្វីពីយើង? កញ្ញា: សៀវភៅចំណេះ។ បើម្ចាស់ផ្ទះមិនព្រមទទួលសៀវភៅនេះ សូមស្នើផ្ដល់សៀវភៅស្តើងចូរចាំយាមចុះ! តុលា: ទស្សនាវដ្ដីប៉មយាម។ បើជួបអ្នកចាប់អារម្មណ៍អាចផ្ដល់ឲ្យសៀវភៅស្តើងតម្រូវ។ វិច្ឆិកា: សៀវភៅរឿងព្រះគម្ពីររបស់ខ្ញុំ។ បើម្ចាស់ផ្ទះឥតមានកូន សូមស្នើផ្ដល់សៀវភៅចំណេះ។
◼ ដោយសារខែតុលាមានថ្ងៃសៅរ៍ប្រាំនិងថ្ងៃអាទិត្យប្រាំ ខែនោះជាពេលអំណោយផលដើម្បីត្រួសត្រាយជំនួយ។
◼ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំងគួរត្រួតពិនិត្យបញ្ជីគណនេយ្យរបស់ក្រុមជំនុំនៅថ្ងៃទី១ ខែកញ្ញា ឬបើអាចបាន សូមធ្វើនៅថ្ងៃបន្ទាប់យ៉ាងប្រញាប់បំផុត។ បើមាន បញ្ជីគណនេយ្យផ្សេងដូចជាគណនេយ្យសំរាប់ថែទាំសាលប្រជុំឬការសាងសង់ នោះគួរត្រួតពិនិត្យដែរ។ ពេលកិច្ចការនេះបានធ្វើរួចហើយ សូមជំរាបប្រាប់ក្រុមជំនុំ ពេលដែលអានសេចក្ដីរាយការណ៍គណនេយ្យជាបន្ទាប់។
◼ យើងសូមរំឭកអ្នកផ្សាយទាំងអស់គ្នាថា អាសយដ្ឋានរបស់សមាគមមិនគួរត្រូវប្រើក្នុងការទាក់ទងតាមសំបុត្រផ្ទាល់ខ្លួនឡើយ។ នេះរួមបញ្ចូលសំបុត្រនិងប្រកាសនវត្ថុដែលត្រូវផ្ញើទៅអ្នកចាប់អារម្មណ៍ ផ្ទះដែលគ្មានមនុស្សនៅពេលយើងទៅផ្សាយ ឬក៏ដើម្បីផ្សព្វផ្សាយដល់មនុស្សដែលនៅកន្លែងណាដែលយើងមិនអាចចូលផ្សាយបាន។ អ្នកផ្សាយអាចប្រើអាសយដ្ឋានរបស់ខ្លួនបាន ដោយសារកិច្ចបំរើជាអ្វីដែលយើងថ្វាយចំពោះព្រះដោយខ្លួនឯង។ (ម៉ាថ. ២៨:១៩, ២០; រ៉ូម ១០:១៤, ១៥) ក៏ប៉ុន្តែ ប្រសិនបើអ្នកផ្សាយគិតថាការប្រើអាសយដ្ឋានរបស់ខ្លួនផ្ទាល់នឹងនាំឲ្យមានបញ្ហា នោះគាត់អាចដាក់ឈ្មោះខ្លួនឯងហើយប្រើអាសយដ្ឋានសាលព្រះរាជាណាចក្រវិញ។—សូមមើលប្រអប់សំនួរក្នុងកិច្ចបំរើព្រះរាជាណាចក្រយើង ខែឧសភា ឆ្នាំ២០០២
◼ បញ្ជីសារពើភណ្ឌសំរាប់ប្រកាសនវត្ថុនិងទស្សនាវដ្ដីទាំងអស់ដែលក្រុមជំនុំស្តុកទុក ត្រូវធ្វើឡើងនៅចំថ្ងៃទី៣១ ខែសីហា ឆ្នាំ២០០៥ ឬក៏ជិតបំផុតនៃថ្ងៃនោះតាមតែលទ្ធភាព។ បញ្ជីសារពើភណ្ឌនោះ គឺស្រដៀងនឹងការរាប់ដែលអ្នកទទួលខុសត្រូវផ្នែកប្រកាសនវត្ថុត្រូវធ្វើជារៀងរាល់ខែ ហើយចំនួនសរុបត្រូវកត់លើបញ្ជីសារពើភណ្ឌ (S-18)។ ចំនួនសរុបទស្សនាវដ្ដីអាចសួរអ្នកទទួលខុសត្រូវផ្នែកទស្សនាវដ្ដី។ ស្មៀនរបស់ក្រុមជំនុំដែលមានភារកិច្ចសម្របសម្រួលគួរត្រួតពិនិត្យបញ្ជីសារពើភណ្ឌ។ គាត់ជាមួយនឹងប្រធានត្រួតពិនិត្យក្នុងក្រុមជំនុំដែលនឹងសម្របសម្រួលនោះ ត្រូវចុះហត្ថលេខាលើក្រដាសដែលត្រូវបំពេញ។ ក្រុមជំនុំនីមួយៗដែលទទួលខុសត្រូវផ្នែកសម្របសម្រួល នឹងទទួលបញ្ជីសារពើភណ្ឌចំនួនបីច្បាប់ (S-18)។ សូមផ្ញើច្បាប់ដើមទៅការិយាល័យបកប្រែមិនហួសពីថ្ងៃទី៦ ខែកញ្ញា។ ទុកច្បាប់ចម្លងមួយដើម្បីដាក់ជាមួយឯកសាររបស់អ្នក។ ច្បាប់ទីបីអាចប្រើដើម្បីសរសេរព្រាង។
◼ ក្រុមជំនុំទាំងឡាយគួរចាប់ផ្ដើមស្នើសុំប្រក្រតិទិនស្មរបន្ទាល់ព្រះយេហូវ៉ា ឆ្នាំ២០០៦ សៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០៦ និងសៀវភៅប្រចាំឆ្នាំនៃស្មរបន្ទាល់ព្រះយេហូវ៉ា ឆ្នាំ២០០៦ នេះដាក់ជាប់នឹងប័ណ្ណស្នើសុំប្រកាសនវត្ថុជាបន្ទាប់។ សំបុត្រដែលថា«សេចក្ដីជូនដំណឹងដល់ក្រុមជំនុំទាំងឡាយ»ត្រូវផ្ញើទៅក្រុមជំនុំជារៀងរាល់ខែដោយរាយនាមភាសាទាំងប៉ុន្មានដែលអាចស្នើសុំសៀវភៅទាំងនោះបាន។