សេចក្ដីជូនដំណឹង
◼ ឧបករណ៍ផ្សាយសម្រាប់ខែមីនា: សៀវភៅចំណេះដែលនាំទៅដល់ជីវិតអស់កល្បជានិច្ច។ ព្យាយាមចាប់ផ្ដើមការសិក្សា។ មេសានិងឧសភា: ទស្សនាវដ្ដីប៉មយាម។ ពេលត្រឡប់ទៅជួបអ្នកចាប់អារម្មណ៍ ចូរទៅជួបអ្នកដែលបានចូលរួមពិធីបុណ្យរំឭកដែរ ឬបានចូលរួមការប្រជុំសំខាន់ៗផ្សេងទៀត តែមិនទាន់ចូលរួមទៀងទាត់ជាមួយនឹងក្រុមជំនុំ។ សូមខំព្យាយាមចាប់ផ្ដើមការសិក្សាព្រះគម្ពីរដោយប្រើសៀវភៅចំណេះឬសៀវភៅស្តើងណាដែលសមស្របតាមកាលៈទេសៈរបស់គេ។ មិថុនា: សៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ បើគ្មានសៀវភៅនេះ អ្នកអាចជូនសៀវភៅសុភមង្គលគ្រួសារវិញ។
◼ ដោយសារខែមេសាមានថ្ងៃសៅរ៍ប្រាំនិងថ្ងៃអាទិត្យប្រាំ ខែនោះជាពេលអំណោយផលដើម្បីត្រួសត្រាយជំនួយ។
◼ ពិធីបុណ្យរំឭកនឹងធ្វើឡើងនៅថ្ងៃពុធ ទី១២ ខែមេសា ឆ្នាំ២០០៦។ បើសិនជាក្រុមជំនុំរបស់អ្នកធម្មតាមានប្រជុំនៅថ្ងៃពុធ ប្រជុំទាំងនោះត្រូវប្ដូរទៅថ្ងៃផ្សេងទៀតក្នុងអាទិត្យនោះ បើសិនជាសាលព្រះរាជាណាចក្រនៅទំនេរ។ បើសិនជាគ្មានលទ្ធភាពធ្វើដូច្នេះ ហើយនេះប៉ះពាល់នឹងការប្រជុំអប់រំកិច្ចបម្រើរបស់អ្នក នោះផ្នែកណាដែលទាក់ទងក្រុមជំនុំរបស់អ្នកជាពិសេស អាចត្រូវរួមបញ្ចូលក្នុងការប្រជុំអប់រំកិច្ចបម្រើនៅថ្ងៃណាមួយផ្សេងទៀត។
◼ ពេលទស្សនាវដ្ដីថ្មីមកដល់ក្រុមជំនុំ នោះគឺសំខាន់ឲ្យបងប្អូនប្រុសៗដែលទទួលខុសត្រូវខាងទស្សនាវដ្ដីនៅសាលប្រជុំ ចែកទស្សនាវដ្ដីប៉មយាមនិងទស្សនាវដ្ដីភ្ញាក់រឭក!ភ្លាមៗ។ បើធ្វើដូច្នេះ គឺឲ្យបងប្អូនជាអ្នកផ្សាយមានឱកាសអានទស្សនាវដ្ដីផ្ទាល់ខ្លួន មុនគេផ្ដល់ទស្សនាវដ្ដីក្នុងកិច្ចបម្រើផ្សាយ។ ពេលកិច្ចបម្រើព្រះរាជាណាចក្រយើងថ្មីមកដល់ក្រុមជំនុំ នោះក៏ត្រូវចែកភ្លាមៗដែរ ហើយបងប្អូនអាចទទួលតាមការសិក្សាសៀវភៅតាមក្រុមជំនុំ។
◼ ការិយាល័យសាខាមិនបំពេញនូវការស្នើសុំប្រកាសនវត្ថុឯកជនរបស់អ្នកផ្សព្វផ្សាយទេ។ ជារៀងរាល់ខែ មុននឹងផ្ញើការស្នើសុំប្រកាសនវត្ថុក្រុមជំនុំប្រចាំខែទៅការិយាល័យសាខា ប្រធានអ្នកត្រួតពិនិត្យគួររៀបចំឲ្យមានសេចក្ដីជូនដំណឹង ដើម្បីឲ្យបងប្អូនណាដែលចង់ទទួលប្រកាសនវត្ថុសម្រាប់ខ្លួនគេផ្ទាល់ អាចប្រាប់បងប្រុសដែលទទួលខុសត្រូវប្រកាសនវត្ថុនោះ។ សូមនឹកចាំពីប្រកាសនវត្ថុណាដែលជាការស្នើសុំពិសេស។