សេចក្ដីជូនដំណឹង
◼ ឧបករណ៍ផ្សាយសម្រាប់ខែកក្កដានិងសីហា : សៀវភៅស្តើងណាដែលមាន៣២ទំព័រដូចជា: ចូរសប្បាយនឹងជីវិតនៅលើផែនដីជានិរន្តរ៍! រដ្ឋាភិបាលដែលនឹងនាំមកនូវទីមនោរម «មើល! អញធ្វើទាំងអស់ឡើងជាថ្មី» តើព្រះពិតជាស្រឡាញ់មនុស្សយើងមែនឬ? តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? ចូរចាំយាមចុះ! វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? របៀបទទួលបានជីវិតដ៏គាប់ចិត្ត លោកអ្នកអាចធ្វើជាមិត្តសំឡាញ់របស់ព្រះ! ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? និងតើព្រះតម្រូវអ្វីពីយើង? កញ្ញា: សៀវភៅតើព្រះគម្ពីរពិតជាបង្រៀនយ៉ាងណា? គួរត្រឡប់ទៅជួបអស់អ្នកដែលទទួលសៀវភៅនោះ ហើយព្យាយាមចាប់ផ្ដើមការសិក្សា។ តុលា: ទស្សនាវដ្ដីប៉មយាម។ បើម្ចាស់ផ្ទះចាប់អារម្មណ៍ ចូរបង្ហាញសៀវភៅស្តើងចូរចាំយាមចុះ! ដើម្បីបង្កើនចំណាប់អារម្មណ៍របស់គាត់ទៅលើព្រះគម្ពីរ។
◼ ចាប់ផ្ដើមខែកញ្ញា អ្នកត្រួតពិនិត្យតាមមណ្ឌលនឹងថ្លែងសុន្ទរកថាសាធារណៈដែលមានចំណងជើងថា «តើព្រះចាត់ទុកអ្នកជាមនុស្សបែបណា?»។
◼ នាសប្ដាហ៍ថ្ងៃទី២៤ ខែកក្កដា ឆ្នាំ២០០៦ នៅឯការសិក្សាសៀវភៅតាមក្រុមជំនុំ យើងនឹងសិក្សាអត្ថបទទីបួន ក្នុងទស្សនាវដ្ដីប៉មយាម ថ្ងៃទី១ ខែធ្នូ ឆ្នាំ២០០៥។
◼ យកល្អឲ្យផ្ញើប័ណ្ណនៃអ្នកត្រួសត្រាយពេញពេលទៅការិយាល័យសាខាយ៉ាងហោចណាស់៣០ថ្ងៃមុនបុគ្គលម្នាក់ចង់ចាប់ផ្ដើមធ្វើជាអ្នកត្រួសត្រាយពេញពេល។ លេខាក្រុមជំនុំគួរពិនិត្យមើលបញ្ជីចុះឈ្មោះនោះឲ្យប្រាកដថា ពិតជាបំពេញបានត្រឹមត្រូវហើយ។ បើបុគ្គលនោះមិនអាចចាំនូវថ្ងៃខែដែលពួកគេបានទទួលបុណ្យជ្រមុជទឹកទេ នោះត្រូវស្មានហើយកត់ទុកថ្ងៃខែនោះ។ លេខាត្រូវកត់ទុកថ្ងៃខែដែលស្មាននោះក្នុងកាតសកម្មភាពផ្សព្វផ្សាយរបស់អ្នកផ្សាយ (Congregation’s Publisher Record—S-21)។
◼ លេខាក្រុមជំនុំគួរដឹងឲ្យប្រាកដថាគាត់ពិតជាមានសំបុត្រតែងតាំងជាអ្នកត្រួសត្រាយ (Pioneer Appointment Letter—S-202)របស់អ្នកត្រួសត្រាយពេញពេលម្នាក់ៗក្នុងក្រុមជំនុំឬអត់។ បើអត់មាន ត្រូវសរសេរទៅការិយាល័យសាខា។
◼ បញ្ជីសារពើភណ្ឌសំរាប់សៀវភៅផ្សេងៗនិងទស្សនាវដ្ដីទាំងអស់ដែលក្រុមជំនុំស្តុកទុក ត្រូវធ្វើឡើងនៅចំថ្ងៃទី៣១ ខែសីហា ឆ្នាំ២០០៦ ឬក៏ជិតបំផុតនៃថ្ងៃនោះតាមតែលទ្ធភាព។ បញ្ជីសារពើភណ្ឌនោះ គឺស្រដៀងនឹងការរាប់ដែលអ្នកទទួលខុសត្រូវផ្នែកសៀវភៅផ្សេងៗត្រូវធ្វើជារៀងរាល់ខែ ហើយចំនួនសរុបត្រូវកត់លើបញ្ជីសារពើភណ្ឌ (Literature Inventory—S-18)។ ចំនួនសរុបទស្សនាវដ្ដីអាចសួរអ្នកទទួលខុសត្រូវផ្នែកទស្សនាវដ្ដី។ លេខារបស់ក្រុមជំនុំដែលមានភារកិច្ចសម្របសម្រួលគួរត្រួតពិនិត្យបញ្ជីសារពើភណ្ឌ។ គាត់ជាមួយនឹងប្រធានត្រួតពិនិត្យក្នុងក្រុមជំនុំដែលនឹងសម្របសម្រួលនោះ ត្រូវចុះហត្ថលេខាលើក្រដាសដែលត្រូវបំពេញ។ ក្រុមជំនុំនីមួយៗដែលទទួលខុសត្រូវផ្នែកសម្របសម្រួល នឹងទទួលបញ្ជីសារពើភណ្ឌ (Literature Inventory)ចំនួនបីច្បាប់។ សូមផ្ញើច្បាប់ដើមទៅការិយាល័យបកប្រែមិនហួសពីថ្ងៃទី៦ ខែកញ្ញា។ ទុកច្បាប់ចម្លងមួយដើម្បីដាក់ជាមួយឯកសាររបស់អ្នក។ ច្បាប់ទីបីអាចប្រើដើម្បីសរសេរព្រាង។