សេចក្ដីជូនដំណឹង
◼ ឧបករណ៍ផ្សាយសម្រាប់ខែតុលា: ទស្សនាវដ្ដីប៉មយាម។ បើម្ចាស់ផ្ទះចាប់អារម្មណ៍ ចូរបង្ហាញសៀវភៅស្តើងចូរចាំយាមចុះ! ដើម្បីបង្កើនចំណាប់អារម្មណ៍របស់គាត់ទៅលើព្រះគម្ពីរ។ វិច្ឆិកា: សៀវភៅរឿងព្រះគម្ពីររបស់ខ្ញុំ។ ធ្នូ : សៀវភៅបុរសឧត្តមបំផុតដែលធ្លាប់រស់នៅ។ ឬក៏សូមផ្ដល់សៀវភៅដូចតទៅ: ព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? សៀវភៅរឿងព្រះគម្ពីររបស់ខ្ញុំ ឬអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី បើក្រុមជំនុំនៅមាន។ មករា: សៀវភៅណាដែលមាន១៩២ទំព័រដែលក្រដាសហើរពណ៌ហើយ ឬសៀវភៅណាមួយក៏ដោយដែលបានបោះពុម្ពមុនឆ្នាំ១៩៩១។ បើក្រុមជំនុំគ្មានសៀវភៅចាស់ៗទាំងនោះទេ បងប្អូនអាចចែកជូនសៀវភៅស្តើងចូរចាំយាមចុះ!
◼ ដោយសារខែធ្នូមានថ្ងៃសៅរ៍ប្រាំនិងថ្ងៃអាទិត្យប្រាំ ខែនោះជាពេលអំណោយផលដើម្បីត្រួសត្រាយជំនួយ។
◼ សន្លឹកបន្ថែមដែលមានក្នុងកិច្ចបម្រើព្រះរាជាណាចក្រយើង សម្រាប់ខែនេះគឺជា«កម្មវិធីសាលាកិច្ចបម្រើផ្សាយសម្រាប់ឆ្នាំ២០០៧»។ យើងគួរតែរក្សាទុកកម្មវិធីនេះជាឯកសារយោងសម្រាប់ឆ្នាំ២០០៧។ សុន្ទរកថាពិសេសសម្រាប់កំលុងខែបុណ្យរំឭកឆ្នាំ២០០៧ នឹងត្រូវថ្លែងនៅថ្ងៃអាទិត្យ ថ្ងៃទី១៥ ខែមេសា។ ប្រធានសុន្ទរកថានោះនឹងត្រូវប្រកាសប្រាប់ក្រោយ។ ក្រុមជំនុំណាដែលមានអ្នកត្រួតពិនិត្យមណ្ឌលធ្វើទស្សនកិច្ច ឬមានសន្និបាតមណ្ឌល ឬថ្ងៃសន្និបាតពិសេសចំថ្ងៃនោះ នឹងមានសុន្ទរកថាពិសេសនៅអាទិត្យជាបន្ទាប់។ ក្រុមជំនុំទាំងឡាយមិនគួរមានសុន្ទរកថាពិសេសមុនថ្ងៃទី១៥ ខែមេសា ឆ្នាំ២០០៧ឡើយ។