សេចក្ដីជូនដំណឹង
◼ ឧបករណ៍ផ្សាយសម្រាប់ខែកញ្ញា: តើព្រះគម្ពីរពិតជាបង្រៀនយ៉ាងណា? គួរត្រឡប់ទៅជួបអស់អ្នកដែលទទួលសៀវភៅនេះ ដោយព្យាយាមចាប់ផ្ដើមបង្រៀនគម្ពីរ។ បើម្ចាស់ផ្ទះមានសៀវភៅនេះហើយ ចូរបង្ហាញពីរបៀបសិក្សាមួយយ៉ាងខ្លីដើម្បីឲ្យគាត់ដឹងពីប្រយោជន៍ បើគាត់រៀនព្រះគម្ពីរ។ តុលា: ស្នើផ្ដល់ទស្សនាវដ្ដីប៉មយាម។ បើម្ចាស់ផ្ទះបង្ហាញចំណាប់អារម្មណ៍ សូមពិភាក្សាអំពីខិត្តប័ណ្ណតើលោកអ្នកចង់រៀនព្រះគម្ពីរទេ? ក្នុងគោលបំណងដើម្បីចាប់ផ្ដើមបង្រៀនគម្ពីរ។ វិច្ឆិកា: សៀវភៅរឿងព្រះគម្ពីររបស់ខ្ញុំ។ ប្រសិនបើម្ចាស់ផ្ទះប្រាប់ថាអត់មានកូនទេ សូមផ្ដល់សៀវភៅស្តើងចូរចាំយាមចុះ! ធ្នូ: សៀវភៅបុរសឧត្តមបំផុតដែលធ្លាប់រស់នៅ។ អាចផ្ដល់សៀវភៅចូរចូលទៅជិតព្រះយេហូវ៉ា ឬគន្លឹះនៃសុភមង្គលគ្រួសារដែរ។
◼ ខែកញ្ញាជាខែដ៏ល្អសម្រាប់ធ្វើត្រួសត្រាយជំនួយ ពីព្រោះមានថ្ងៃសៅរ៍និងថ្ងៃអាទិត្យប្រាំ។
◼ ក្រុមជំនុំទាំងឡាយគួរចាប់ផ្ដើមស្នើសុំសៀវភៅទស្សនាវដ្ដីប៉មយាម និងភ្ញាក់រឭក! (Awake!) ដែលផ្គុំចូលគ្នាមួយឆ្នាំ សម្រាប់ឆ្នាំ២០០៧ លិបិក្រមសៀវភៅប៉មយាមឆ្នាំ២០០៧ (Watch Tower Publications Index 2007) និងបណ្ណាល័យប៉មយាមដែលជាស៊ីឌីប្រូក្រាមឆ្នាំ២០០៧ (Watchtower Library—2007 Edition CD-ROM) ដែលត្រូវដាក់ជាប់នឹងប័ណ្ណស្នើសុំឧបករណ៍ផ្សាយជាបន្ទាប់។ សំបុត្រដែលថា «សេចក្ដីជូនដំណឹងដល់ក្រុមជំនុំទាំងឡាយ» ត្រូវផ្ញើទៅក្រុមជំនុំជារៀងរាល់ខែដោយរាយនាមភាសានៃឧបករណ៍ផ្សាយទាំងប៉ុន្មានដែលអាចស្នើសុំបាន។ សូមកត់សម្គាល់ថា បណ្ណាល័យប៉មយាមសម្រាប់ឆ្នាំ២០០៧ គឺសម្រាប់តែបងប្អូនដែលបានជ្រមុជទឹកហើយ និងអាចស្នើសុំបានតាមរយៈក្រុមជំនុំតែប៉ុណ្ណោះ។
◼ សុន្ទរកថាពិសេសនៅរដូវមានបុណ្យរំលឹកសម្រាប់ឆ្នាំ២០០៨នឹងត្រូវថ្លែងក្នុងអំឡុងសប្ដាហ៍ថ្ងៃទី៣១ ខែមីនា ឆ្នាំ២០០៨។ ប្រធាននៃសុន្ទរកថានឹងត្រូវជម្រាបប្រាប់នៅពេលក្រោយ។ ក្រុមជំនុំណាដែលមានអ្នកត្រួតពិនិត្យមណ្ឌលធ្វើទស្សនកិច្ច ឬមានសន្និបាតចំថ្ងៃនោះ សូមលើកទៅសប្ដាហ៍បន្ទាប់។ ក្រុមជំនុំមិនគួរមានសុន្ទរកថាមុនសប្ដាហ៍ថ្ងៃទី៣១ ខែមីនានេះឡើយ។
◼ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំងគួរត្រួតពិនិត្យបញ្ជីគណនេយ្យរបស់ក្រុមជំនុំនៅខែមិថុនា កក្កដា និងខែសីហា។ ពេលកិច្ចការនេះធ្វើរួចហើយ សូមជម្រាបប្រាប់ក្រុមជំនុំ មុននឹងអានសេចក្ដីរាយការណ៍ពីគណនេយ្យជាបន្ទាប់ (សូមមើលក្រដាសណែនាំដើម្បីធ្វើគណនេយ្យក្រុមជំនុំ Instructions for Congregation Accounting—S-27)។