សេចក្ដីជូនដំណឹង
◼ ឧបករណ៍ផ្សាយសម្រាប់ខែធ្នូ : សៀវភៅបុរសឧត្តមបំផុតដែលធ្លាប់រស់នៅ។ អាចផ្ដល់សៀវភៅចូរចូលទៅជិតព្រះយេហូវ៉ា ឬក៏សៀវភៅគន្លឹះនៃសុភមង្គលគ្រួសារ។ មករា : សៀវភៅណាដែលមាន១៩២ទំព័រដែលក្រដាសហើរពណ៌ហើយ ឬសៀវភៅណាមួយក៏ដោយដែលបានបោះពុម្ពមុនឆ្នាំ១៩៩១។ បើក្រុមជំនុំគ្មានសៀវភៅចាស់ៗទាំងនោះទេ អាចផ្ដល់សៀវភៅចំណេះ (បើអាចធ្វើបាន) ឬសៀវភៅស្តើងចូរចាំយាមចុះ! កុម្ភៈ : សៀវភៅគន្លឹះនៃសុភមង្គលគ្រួសារ។ មីនា : តើព្រះគម្ពីរពិតជាបង្រៀនយ៉ាងណា? សូមព្យាយាមដើម្បីចាប់ផ្ដើមបង្រៀនគម្ពីរ។
◼ ប្រធានត្រួតពិនិត្យគួរចាត់បុគ្គលណាម្នាក់ឲ្យទៅត្រួតពិនិត្យបញ្ជីគណនេយ្យរបស់ក្រុមជំនុំនៅខែកញ្ញា តុលា និងខែវិច្ឆិកា។ បុគ្គលដែលត្រូវត្រួតពិនិត្យបញ្ជីគណនេយ្យរបស់ក្រុមជំនុំទាំងបីខែនោះគួរជាមនុស្សខុសៗគ្នា។ ពេលកិច្ចការនេះធ្វើរួចហើយ សូមជម្រាបប្រាប់ក្រុមជំនុំ បន្ទាប់ពីអានសេចក្ដីរាយការណ៍ពីគណនេយ្យ (សូមមើលក្រដាសណែនាំដើម្បីធ្វើគណនេយ្យក្រុមជំនុំ Instructions for Congregation Accounting—S-27)។
◼ សូមកត់សម្គាល់ថា ពិធីបុណ្យរំលឹកនៅឆ្នាំ២០០៩ នឹងធ្វើនៅថ្ងៃព្រហស្បតិ៍ ទី៩ ខែមេសា ក្រោយពីថ្ងៃលិច។ ការប្រាប់នូវថ្ងៃខែឲ្យដឹងទុកជាមុននេះ គឺដើម្បីឲ្យបងប្អូនមានឱកាសអាចរៀបចំទុកជាមុន ឬធ្វើកិច្ចសន្យាសម្រាប់ជួលកន្លែងប្រជុំផ្សេងទៀត ក្នុងករណីដែលក្រុមជំនុំជាច្រើនប្រើសាលប្រជុំតែមួយ ហើយក្រុមជំនុំខ្លះត្រូវរកកន្លែងផ្សេងទៀត។ ក្នុងករណីនេះ អ្នកចាស់ទុំគួរព្រមព្រៀងគ្នាជាមួយនឹងអ្នកចាត់ការកន្លែងនោះ ដើម្បីធានាថាមិនមានការរំខានពីសកម្មភាពឯទៀតនៅក្នុងសាលនោះ ហើយដើម្បីឲ្យពិធីបុណ្យរំលឹកអាចប្រព្រឹត្តឡើងដោយមានដំណើរការល្អ និងមានរបៀបរៀបរយល្អផងដែរ។
◼ សូមកត់សម្គាល់ ពាក្យរាជសព្ទនឹងត្រូវឈប់ប្រើបន្ដិចម្ដងៗក្នុងអត្ថបទទាំងអស់របស់យើង។ ស្របទៅតាមគោលការណ៍ក្នុងសៀវភៅកូរិនថូសទី១ ១៤:៩ យើងនឹងព្យាយាមប្រើពាក្យធម្មតាដែលសមរម្យ ដែលមនុស្សទូទៅអាចយល់មិនថាគាត់មានអាយុ ឬកម្រិតវប្បធម៌ណាក៏ដោយ។ យើងជាអ្នកបម្រើព្រះយេហូវ៉ា យើងទទួលស្គាល់ថាគ្មានពាក្យណារបស់មនុស្សដែលអាចពណ៌នាយ៉ាងត្រឹមត្រូវអំពីព្រះដែលជាអ្នកបង្កើតរបស់យើងបានទេ។ ព្រះយេហូវ៉ាពេញចិត្ត‹ឲ្យមនុស្សទាំងអស់ បានស្គាល់សេចក្ដីពិត›។—១ធី. ២:៤
◼ ចាប់ពីខែមករាឆ្នាំ២០០៨ កិច្ចបម្រើព្រះរាជាណាចក្រយើងនឹងត្រូវដូរឈ្មោះទៅជាកិច្ចបម្រើព្រះ។
◼ ចាប់ពីខែមករាឆ្នាំ២០០៨ ឈ្មោះសាសនារបស់យើងនឹងត្រូវដូរពីស្មរបន្ទាល់ព្រះយេហូវ៉ាទៅ សាក្សីព្រះយេហូវ៉ា។ យើងខំព្យាយាមធ្វើឲ្យសៀវភៅរបស់យើងដែលចេញជាភាសាខ្មែរកាន់តែស្រួលយល់ ដោយប្រើពាក្យដែលមនុស្សស្គាល់ទូទៅ ហើយជៀសវាងពីពាក្យណាដែលទាក់ទិននឹងសាសនាមិនពិត។