សេចក្ដីជូនដំណឹង
◼ ឧបករណ៍ផ្សាយសម្រាប់ខែមករា : សៀវភៅណាដែលមាន១៩២ទំព័រដែលក្រដាសហើរពណ៌ហើយ ឬសៀវភៅណាមួយក៏ដោយដែលបានបោះពុម្ពមុនឆ្នាំ១៩៩១។ បើក្រុមជំនុំគ្មានសៀវភៅចាស់ៗទាំងនោះទេ អាចផ្ដល់សៀវភៅចំណេះ (បើអាចធ្វើបាន) ឬសៀវភៅស្តើងចូរចាំយាមចុះ! កុម្ភៈ : សៀវភៅគន្លឹះនៃសុភមង្គលគ្រួសារ។ មីនា : តើព្រះគម្ពីរពិតជាបង្រៀនយ៉ាងណា? សូមព្យាយាមដើម្បីចាប់ផ្ដើមបង្រៀនគេគម្ពីរ។ មេសា : ទស្សនាវដ្ដីប៉មយាម។ សូមខំប្រឹងព្យាយាមត្រឡប់ទៅជួបមនុស្សថ្មីៗដែលចាប់អារម្មណ៍ហើយបានមកស្ដាប់សុន្ទរកថាពិសេសនិងអស់អ្នកដែលមកចូលរួមបុណ្យរំលឹក ព្រមទាំងបងប្អូនដែលអសកម្ម។ ការធ្វើដូច្នេះនឹងបើកឱកាសឲ្យយើងអាចចាប់ផ្ដើមបង្រៀនអស់អ្នកដែលមិនទាន់បានរៀនគម្ពីរ។
◼ ខែមីនាគឺជាខែល្អដើម្បីធ្វើជាអ្នកត្រួសត្រាយជំនួយ ពីព្រោះមានថ្ងៃសៅរ៍និងថ្ងៃអាទិត្យប្រាំ។
◼ ចាប់ផ្ដើមខែកុម្ភៈនិងមិនហួសថ្ងៃទី២ ខែមីនា សុន្ទរកថាថ្មីរបស់អ្នកត្រួតពិនិត្យមណ្ឌលមានចំណងជើងថា «ពេលកើតទុក្ខ តើយើងអាចទទួលជំនួយមកពីណា?»។
◼ ក្រុមជំនុំទាំងឡាយគួររៀបចំឲ្យបានល្អ ដើម្បីធ្វើពិធីបុណ្យរំលឹកឆ្នាំនេះ គឺនៅថ្ងៃសៅរ៍ ទី២២ ខែមីនាបន្ទាប់ពីថ្ងៃលិច។ ទោះបីសុន្ទរកថាអាចចាប់ផ្ដើមមុនថ្ងៃលិចក៏ដោយ តែការហុចវត្ថុតំណាងនោះ មិនគួរចាប់ផ្ដើមទាល់តែក្រោយថ្ងៃលិច។ សូមរកប្រភពព័ត៌មានតាមតំបន់ដើម្បីដឹងថា ថ្ងៃលិចនៅម៉ោងប៉ុន្មានក្នុងតំបន់អ្នក។ យកល្អឲ្យក្រុមជំនុំនីមួយៗធ្វើពិធីបុណ្យរំលឹកដោយឡែកៗពីគ្នា។ ក៏ប៉ុន្តែ ការប្រារព្ធពិធីបុណ្យរំលឹកដោយឡែកៗពីគ្នានេះ មិនតែងតែអាចធ្វើឡើងរាល់ដងនោះទេ។ នៅតំបន់ណាដែលក្រុមជំនុំជាច្រើនប្រើសាលប្រជុំតែមួយ នោះប្រហែលជាក្រុមជំនុំមួយឬក្រុមជំនុំឯទៀតអាចប្រើកន្លែងផ្សេងទៀតនៅយប់នោះ។ ប្រសិនបើអាចធ្វើទៅបាន គួរមានយ៉ាងតិចបំផុត៤០នាទីរវាងកម្មវិធីក្រុមជំនុំទាំងពីរ ដើម្បីឲ្យទាំងអស់គ្នាអាចទទួលប្រយោជន៍យ៉ាងពេញលេញពីការសេពគប់បន្ទាប់ពីពិធីនោះចប់។ បន្ថែមទៅទៀតគួររៀបចំសម្រួលចរាចរណ៍ធ្វើដំណើរនិងការផ្ញើរថយន្ត ម៉ូតូ កង់រួមទាំងកន្លែងឲ្យអ្នកជិះចុះនិងឡើង។ ពួកអ្នកចាស់ទុំគួរសម្រេចថា ការរៀបចំណាគឺល្អបំផុតតាមតំបន់។
◼ លេខាធិការក្រុមជំនុំគួរដឹងប្រាកដថា ខ្លួនគាត់ពិតជាមានសំបុត្រតែងតាំងអ្នកត្រួសត្រាយរបស់អ្នកត្រួសត្រាយពេញពេលម្នាក់ៗក្នុងក្រុមជំនុំ (pioneer appointment letter—S-202)។ បើអត់មាន សូមសរសេរទៅការិយាល័យសាខា។
◼ សូមជម្រាបបងប្អូនថា ចាប់ពីថ្ងៃទី១ ខែមករា ឆ្នាំ២០០៨ អត្ថបទសិក្សានីមួយៗក្នុងទស្សនាវដ្ដីប៉មយាម គឺខ្លីជាងអត្ថបទពីមុន។ ហេតុនេះហើយ យើងមានពេលច្រើនជាងពិនិត្យមើលចំណុចសំខាន់ៗពីបទគម្ពីរក្នុងអំឡុងពេលសិក្សា។ យើងសូមលើកទឹកចិត្តបងប្អូនឲ្យពិនិត្យមើលបទគម្ពីរទាំងអស់ដែលមិនទាន់បានដកស្រង់ចេញហើយធ្វើដូចនេះរៀងរាល់សប្ដាហ៍។ ជួនកាលនៅមុនបទគម្ពីរខ្លះមានពាក្យថា«សូមអាន» ដូច្នេះសូមបើកមើលនិងពិគ្រោះបទគម្ពីរនោះក្នុងអំឡុងពេលសិក្សាទស្សនាវដ្ដីប៉មយាម។ ប្រសិនបើមានពេលគ្រប់គ្រាន់ អាចអានបទគម្ពីរផ្សេងទៀតផងដែរ។ នៅក្នុងអត្ថបទខ្លះក៏ប្រហែលជាមានពាក្យថា«សូមពិនិត្យបន្ថែម»ដែលពាក្យនេះមាននៅមុនបទគម្ពីរ។ ដោយសារបទគម្ពីរទាំងនេះមិនទាក់ទងចំៗនឹងគោលចំណុចក្នុងវគ្គទេ ធម្មតាយើងមិនអានបទគម្ពីរនោះក្នុងអំឡុងពេលសិក្សាឡើយ។ យ៉ាងណាក៏ដោយ បទគម្ពីរទាំងនោះមានព័ត៌មានបន្ថែមដែលគួរឲ្យចាប់អារម្មណ៍ ឬមានចំណុចឯទៀតជួយយើងយល់ចំណុចសំខាន់ដែលត្រូវពិគ្រោះ។ យើងសូមលើកទឹកចិត្តបងប្អូនឲ្យអានបទគម្ពីរទាំងអស់នោះពេលដែលរៀបចំសិក្សាទស្សនាវដ្ដីប៉មយាម។ ដោយធ្វើដូច្នេះ បងប្អូនប្រហែលជាអាចលើកឡើងបទគម្ពីរក្នុងចម្លើយរបស់ខ្លួន។