សេចក្ដីជូនដំណឹង
◼ ខែកុម្ភៈ ឆ្នាំ២០១១: គន្លឹះនៃសុភមង្គលគ្រួសារ ឬព្រះគម្ពីរបន្ទូលនៃព្រះឬក៏ពាក្យសំដីនៃមនុស្ស? មីនា ឆ្នាំ២០១១: តើព្រះគម្ពីរពិតជាបង្រៀនយ៉ាងណា? ជាមួយនឹង សេចក្ដីបកប្រែពិភពលោកថ្មីពីបទគម្ពីរគ្រិស្តសាសនិកជាភាសាក្រិច។ ចូរខំព្យាយាមប្រឹងប្រែងដើម្បីចាប់ផ្ដើមបង្រៀនគម្ពីរ។ មេសា និងឧសភា ឆ្នាំ២០១១: ទស្សនាវដ្ដីប៉មយាម។ សូមខំប្រឹងព្យាយាមត្រឡប់ទៅជួបមនុស្សដែលចាប់អារម្មណ៍ ហើយបានមកចូលរួមពិធីរំលឹក ឬកិច្ចប្រជុំពិសេសមួយផ្សេងទៀត តែមិនទាន់បានចូលរួមយ៉ាងសកម្មជាមួយនឹងក្រុមជំនុំ។ សូមផ្ដោតអារម្មណ៍ទៅលើការស្នើសុំបង្រៀនគម្ពីរដោយប្រើសៀវភៅព្រះគម្ពីរបង្រៀន។
◼ សុន្ទរកថាពិសេសសម្រាប់ឆ្នាំ២០១១មានប្រធានថា«តើគោលការណ៍គម្ពីរ អាចជួយយើងដោះស្រាយបញ្ហានៅសម័យនេះឬទេ?»។
◼ នៅថ្ងៃអាទិត្យ ទី១៧ ខែមេសា ជាថ្ងៃពិធីរំលឹក មិនត្រូវមានកិច្ចប្រជុំឯទៀតទេ លើកលែងតែកិច្ចប្រជុំផ្សព្វផ្សាយប៉ុណ្ណោះ។ ក្រុមជំនុំដែលតាមធម្មតាមានកិច្ចប្រជុំនៅថ្ងៃទី១៧ អាចលើកប្រជុំទៅថ្ងៃផ្សេងទៀតនៅសប្ដាហ៍នោះ។ បើមានក្រុមជំនុំច្រើនប្រើសាលប្រជុំតែមួយ ហើយពុំអាចលើកកិច្ចប្រជុំទៅថ្ងៃផ្សេង នោះពួកគេអាចលុបកិច្ចប្រជុំនោះចោល។ ក្នុងករណីបែបនោះ យើងសូមលើកទឹកចិត្តក្រុមគ្រួសារនានាឲ្យសិក្សាអត្ថបទទស្សនាវដ្ដីប៉មយាម នៅល្ងាចគោរពប្រណិប័តន៍ជាក្រុមគ្រួសារ។