សេចក្ដីជូនដំណឹង
◼ ខែកញ្ញានិងតុលា: ទស្សនាវដ្ដីប៉មយាម។ បើអ្នកផ្សាយឃើញថាសមគួរ គាត់អាចស្នើផ្ដល់សៀវភៅស្តើងវិញ្ញាណនៃមនុស្សស្លាប់។ វិច្ឆិកានិងធ្នូ: សៀវភៅតើព្រះគម្ពីរពិតជាបង្រៀនយ៉ាងណា? ឬខិត្តប័ណ្ណណាមួយដូចខាងក្រោម: តើអ្នកចង់ដឹងអំពីសេចក្ដីពិតទេ? តើមនុស្សស្លាប់ពិតជាអាចរស់ម្ដងទៀតឬ? តើលោកអ្នកមានទស្សនៈយ៉ាងណាអំពីគម្ពីរបរិសុទ្ធ? តើលោកអ្នកមានទស្សនៈយ៉ាងណាអំពីអនាគត? តើអ្វីជាកត្ដាសំខាន់ដើម្បីមានសុភមង្គលគ្រួសារ? តើពិភពលោកនេះពិតជានៅក្រោមអំណាចអ្នកណា? តើទុក្ខវេទនានឹងមានរហូតឬ? ម្យ៉ាងទៀត អ្នកផ្សាយក៏អាចស្នើផ្ដល់ខិត្តប័ណ្ណឯទៀតដែលមាននៅសល់ក្នុងក្រុមជំនុំដែរ។
◼ សុន្ទរកថាពិសេសសម្រាប់ពិធីរំលឹកប្រចាំឆ្នាំ២០១៥ នឹងត្រូវថ្លែងក្នុងអំឡុងសប្ដាហ៍ថ្ងៃទី៦ ខែមេសា។ ក្រុមជំនុំនឹងជម្រាបអំពីប្រធាននៃសុន្ទរកថានៅពេលក្រោយ។ ក្រុមជំនុំណាដែលមានទស្សនកិច្ចរបស់អ្នកត្រួតពិនិត្យប្រចាំមណ្ឌល ឬមានសន្និបាតនៅសប្ដាហ៍នោះ ត្រូវលើកថ្ងៃនៃសុន្ទរកថាពិសេសមកថ្លែងនៅសប្ដាហ៍បន្ទាប់។ មិនត្រូវមានក្រុមជំនុំណាថ្លែងសុន្ទរកថាពិសេសនេះ មុនថ្ងៃទី៦ ខែមេសា ឡើយ។
◼ ចាប់ពីខែកញ្ញានេះតទៅ អ្នកត្រួតពិនិត្យប្រចាំមណ្ឌលនឹងថ្លែងសុន្ទរកថាដែលមានចំណងជើងថា «តើតាមរបៀបណាប្រាជ្ញារបស់ព្រះផ្ដល់ប្រយោជន៍ឲ្យយើង?»។