របៀបរស់នៅជាគ្រិស្តសាសនិក
ឪពុកម្ដាយ ចូរជួយកូនៗឲ្យទទួលប្រាជ្ញាដែលមកពីព្រះ
វិធីដ៏ល្អបំផុតមួយដែលឪពុកម្ដាយអាចជួយកូនៗឲ្យទទួលប្រាជ្ញាដែលមកពីព្រះ គឺដោយជួយកូនៗឲ្យទទួលប្រយោជន៍ពីកិច្ចប្រជុំរបស់ក្រុមជំនុំ។ អ្វីដែលកូនៗឃើញ ឮ និងឆ្លើយនៅឯកិច្ចប្រជុំអាចជួយពួកគេឲ្យរៀនអំពីព្រះយេហូវ៉ា ហើយក្លាយទៅជាមិត្តសម្លាញ់របស់លោក។ (បច. ៣១:១២, ១៣) បើអ្នកជាឪពុកម្ដាយ តើតាមរបៀបណាអ្នកអាចជួយកូនៗឲ្យទទួលប្រយោជន៍ច្រើនបំផុតពីកិច្ចប្រជុំ?
ព្យាយាមចូលរួមដោយផ្ទាល់។—ចសព. ២២:២២
សេពគប់ជាមួយបងប្អូននៅឯសាលប្រជុំ មុននិងក្រោយកិច្ចប្រជុំ។—ហេ. ១០:២៥
ធ្វើឲ្យប្រាកដថាសមាជិកម្នាក់ៗមានសៀវភៅដែលត្រូវរៀននៅកិច្ចប្រជុំ មិនថាជាឯកសារអេឡិចត្រូនិកឬជាឯកសារបោះពុម្ពក៏ដោយ
ជួយកូនឲ្យរៀបចំចម្លើយដោយប្រើពាក្យរបស់កូនៗ។—ម៉ាថ. ២១:១៥, ១៦
និយាយល្អអំពីកិច្ចប្រជុំ និងការណែនាំដែលអ្នកទទួលពីទីនោះ
ជួយកូនៗឲ្យចូលរួមក្នុងកិច្ចការផ្សេងៗ ដូចជាការសម្អាតសាលប្រជុំ និងការនិយាយសួរសុខទុក្ខបងប្អូនវ័យចាស់ក្នុងក្រុមជំនុំ
ការជួយកូនៗរបស់អ្នកឲ្យចូលទៅជិតព្រះយេហូវ៉ា តម្រូវឲ្យមានការព្យាយាមជាច្រើន ហើយជួនកាលមើលទៅ គឺពិបាកពេក។ ប៉ុន្តែ អ្នកអាចពឹងទៅលើជំនួយពីព្រះយេហូវ៉ា។—អេ. ៤០:២៩
សូមទស្សនាវីដេអូសូមឪពុកម្ដាយពឹងផ្អែកលើព្រះយេហូវ៉ា និងកម្លាំងរបស់លោក រួចឆ្លើយសំណួរដូចតទៅនេះ៖
តើការអស់កម្លាំងមានឥទ្ធិពលយ៉ាងណាទៅលើហ្សាកនិងលីយ៉ា?
ហេតុអ្វីឪពកម្ដាយគួរពឹងផ្អែកលើព្រះយេហូវ៉ាដើម្បីមានកម្លាំង?
តើតាមរបៀបណាហ្សាកនិងលីយ៉ាបានពឹងផ្អែកលើព្រះយេហូវ៉ាដើម្បីឲ្យលោកជួយពួកគេ?