ចម្រៀងលេខ៤
«ព្រះយេហូវ៉ាជាគង្វាលរបស់ខ្ញុំ»
១. ព្រះយេហូវ៉ាជាគង្វាលខ្ញុំ
ខ្ញុំដើរតាមដែលលោកវាចា
លោកដឹងចិត្តប៉ងប្រាថ្នារបស់ខ្ញុំ
លោកដឹងអ្វីដែលខ្ញុំត្រូវការ
លោកនាំខ្ញុំទៅទីស្រស់ប្រពៃ
ឲ្យស្រាកស្រាន្តទាំងចិត្តទាំងប្រាណ
ហើយលោកនាំខ្ញុំដោយក្ដីស្រឡាញ់ស្ម័គ្រស្មោះ
ឲ្យខ្ញុំបានរីករាយក្សេមក្សាន្ត
លោកនាំខ្ញុំដោយក្ដីស្រឡាញ់ស្ម័គ្រស្មោះ
ឲ្យខ្ញុំបានរីករាយក្សេមក្សាន្ត។
២. មាគ៌ាលោកសុទ្ធតែសុចរិត
ផ្ដល់កម្លាំងចិត្តដល់គ្រប់ប្រាណ
លោកជួយខ្ញុំដើរតាមផ្លូវស្មោះត្រង់ពិត
ដើម្បីលើកនាមលោកថ្កើងថ្កាន
ទោះជាឯកានាទីងងឹត
ព្រនង់លោកការពាររក្សា
ខ្ញុំនឹងមិនភ័យភិតគ្រោះកាចណាសោះឡើយ
ព្រោះលោកជាមិត្តសម្លាញ់ខ្ញុំ
ខ្ញុំមិនភ័យភិតគ្រោះកាចណាសោះឡើយ
ព្រោះលោកជាមិត្តសម្លាញ់ខ្ញុំ។
៣. ព្រះយេហូវ៉ាជាគង្វាលខ្ញុំ
ខ្ញុំដើរតាមដែលលោកវាចា
លោកបានពង្រឹងកម្លាំងចិត្តកាយខ្ញុំ
លោកឲ្យអ្វីដែលខ្ញុំត្រូវការ
ព្រោះលោកមានជីវិតរស់នៅពិត
ខ្ញុំទុកចិត្តលោកឥតវៀចវេរ
ក្ដីស្រឡាញ់ស្មោះលោកនឹងជាប់តាមរូបខ្ញុំ
ហើយនិត្យនៅនឹងខ្ញុំគ្រប់គ្រា
ក្ដីស្រឡាញ់ស្មោះលោកជាប់តាមរូបខ្ញុំ
ហើយនិត្យនៅនឹងខ្ញុំគ្រប់គ្រា៕
(សូមពិនិត្យបន្ថែម ចសព. ២៨:៩; ៨០:១)