ចម្រៀងលេខ១១
អ្វីៗដែលព្រះបង្កើតលើកសរសើរព្រះ
១. ស្នាដៃនៃលោកច្រើនត្រៀបត្រាលើមេឃា
បង្ហាញសិរីរុងរឿងលោកយ៉ាងខ្ទរខ្ទារ
ការអស្ចារ្យលោកហាក់ប្រកាសគ្រប់ទិសា
ឲ្យគ្រប់ជីវ៉ាដឹងជាក់ពាសពេញលោកា
ការអស្ចារ្យលោកហាក់ប្រកាសគ្រប់ទិសា
ឲ្យគ្រប់ជីវ៉ាដឹងជាក់ពាសពេញលោកា។
២. ការកោតខ្លាចព្រះគឺនាំឲ្យមានប្រាជ្ញា
ហើយការពារយើងខាងទង្វើនិងវាចា
ក្រឹត្យក្រមលោកជួយមនុស្សក្មេងចាស់ជានិច្ច
ពិតជាវិសេសហើយល្អលើសជាងមាសពេជ្រ
ក្រឹត្យក្រមលោកជួយមនុស្សក្មេងចាស់ជានិច្ច
ពិតជាវិសេសហើយល្អលើសជាងមាសពេជ្រ។
៣. ជីវិតយើងខ្ញុំពិតជាមានន័យខ្លឹមសារ
ព្រោះយើងកាន់តាមបណ្ដាំរបស់បិតា
ការធ្វើឲ្យនាមនៃលោកបានបរិសុទ្ធ
ជាយសថ្លៃថ្លាវិសេសវិសាលបំផុត
ការធ្វើឲ្យនាមនៃលោកបានបរិសុទ្ធ
ជាយសថ្លៃថ្លាវិសេសវិសាលបំផុត៕
(សូមពិនិត្យបន្ថែម ចសព. ១២:៦; ៨៩:៧; ១៤៤:៣; រ៉ូម ១:២០)