ប្រអប់ការពន្យល់បន្ថែម ២ខ
ជីវិតរបស់អេសេគាលនិងគ្រាដែលគាត់រស់នៅ
ឈ្មោះរបស់អេសេគាលមានន័យថា«ព្រះពង្រឹងកម្លាំង»។ ទោះជាទំនាយដែលគាត់ប្រកាសមានការព្រមានជាច្រើនក៏ពិតមែន តែខ្លឹមសារនៃដំណឹងដែលគាត់ប្រកាស គឺស្របតាមអត្ថន័យនៃឈ្មោះរបស់គាត់ ហើយដំណឹងនោះពង្រឹងជំនឿរបស់អស់អ្នកដែលចង់គោរពប្រណិប័តន៍ពិតដល់ព្រះយេហូវ៉ា។
ពួកអ្នកប្រកាសទំនាយជំនាន់អេសេគាល
យេរេមា
ក្រុមគ្រួសាររបស់គាត់ជាសង្ឃ ភាគច្រើនគាត់បម្រើនៅក្រុងយេរូសាឡិម (៦៤៧-៥៨០ មុនគ.ស.)
ហ៊ូលដា
ជាអ្នកប្រកាសទំនាយពេលដែលសៀវភៅច្បាប់បានត្រូវរកឃើញក្នុងវិហារ ប្រហែលឆ្នាំ៦៤២ មុនគ.ស.
ដានីយ៉ែល
គាត់មកពីកុលសម្ព័ន្ធយូដាជាវង្សត្រកូលស្ដេច គាត់បានត្រូវចាប់យកទៅបាប៊ីឡូននៅឆ្នាំ៦១៧ មុនគ.ស.
ហាបាគុក
គាត់ទំនងជាបម្រើនៅស្រុកយូដានៅដើមរាជ្យយេហូយ៉ាគីម
អូបាឌា
គាត់ប្រកាសទំនាយទាស់នឹងស្រុកអេដំ ទំនងជានៅគ្រាដែលក្រុងយេរូសាឡិមបានត្រូវបំផ្លាញចោល
តើពួកគាត់ប្រកាសទំនាយនៅពេលណា? (ឆ្នាំទាំងអស់ មុនគ.ស.)
ព្រឹត្តិការណ៍សំខាន់ៗនៅគ្រាអេសេគាល (ឆ្នាំទាំងអស់ មុនគ.ស.)
ប្រ.៦៤៣: កើត
៦១៧: ត្រូវគេចាប់យកទៅក្រុងបាប៊ីឡូន
៦១៣: ចាប់ផ្ដើមប្រកាសទំនាយ ហើយទទួលការបើកបង្ហាញពីព្រះយេហូវ៉ា
៦១២: ឃើញក្នុងគំនិតអំពីការក្បត់ជំនឿនៅឯវិហារ
៦១១: ចាប់ផ្ដើមប្រកាសទាស់នឹងក្រុងយេរូសាឡិម
៦០៩: ប្រពន្ធស្លាប់ ហើយក្រុងយេរូសាឡិមត្រូវឡោមព័ទ្ធជាលើកចុងក្រោយ
៦០៧: ទទួលដំណឹងថាក្រុងយេរូសាឡិមបានត្រូវបំផ្លាញ
៥៩៣: ឃើញក្នុងគំនិតអំពីវិហារ
៥៩១: ប្រកាសទុកជាមុនអំពីការឈ្លានពានរបស់នេប៊ូក្នេសាទៅលើស្រុកអេហ្ស៊ីប។ សរសេរសៀវភៅចប់
បណ្ដាស្ដេចយូដានិងបាប៊ីឡូន
៦៥៩-៦២៩: យ៉ូសៀសលើកស្ទួយការគោរពប្រណិប័តន៍ពិត តែបានស្លាប់ពេលច្បាំងនឹងផារ៉ូនេកូ
៦២៨: យេហូអាហាសជាស្ដេចអាក្រក់គ្រប់គ្រងបានបីខែ ហើយត្រូវផារ៉ូនេកូចាប់យកទៅធ្វើជាឈ្លើយ
៦២៨-៦១៨: យេហូយ៉ាគីមជាស្ដេចអាក្រក់ ហើយចំណុះផារ៉ូនេកូ
៦២៥: នេប៊ូក្នេសាវាយឈ្នះទ័ពអេហ្ស៊ីប
៦២០: នេប៊ូក្នេសាវាយលុកស្រុកយូដាជាលើកដំបូង ហើយយកយេហូយ៉ាគីមធ្វើជាចំណុះគាត់នៅក្រុងយេរូសាឡិម
៦១៨: យេហូយ៉ាគីមបះបោរប្រឆាំងនឹងនេប៊ូក្នេសា តែប្រហែលជាស្លាប់ក្នុងអំឡុងការវាយលុកជាលើកទី២របស់ពួកបាប៊ីឡូនទៅលើស្រុកសន្យា
៦១៧: យេហូយ៉ាគីនដែលហៅថាយេកូនាស ជាស្ដេចអាក្រក់បានគ្រប់គ្រងអស់រយៈពេលបីខែ ហើយបានចុះចាញ់នេប៊ូក្នេសា
៦១៧-៦០៧: សេដេគាជាស្ដេចអាក្រក់និងកំសាក បានត្រូវនេប៊ូក្នេសាយកធ្វើជាចំណុះ
៦០៩: សេដេគាបានបះបោរប្រឆាំងនឹងនេប៊ូក្នេសា រួចនេប៊ូក្នេសាបានវាយលុកស្រុកយូដាជាលើកទី៣
៦០៧: នេប៊ូក្នេសាបំផ្លាញក្រុងយេរូសាឡិម ចាប់សេដេគា ចាក់ភ្នែកគាត់ឲ្យខ្វាក់ ហើយនាំយកទៅក្រុងបាប៊ីឡូន