ព័ត៌មានជូនចំពោះអ្នកស្ដាប់

ការជ្រមុជទឹក អ្នកចាស់ទុំនៅក្នុងក្រុមជំនុំរបស់អ្នកបានធ្វើការរៀបចំស្របទៅតាមកាលៈទេសៈក្នុងតំបន់របស់អ្នកដែលនឹងទទួលការជ្រមុជទឹក ក្រោយកម្មវិធីថ្ងៃសៅរ៍ពេលព្រឹក។

វិភាគទាន កម្មវិធីមហាសន្និបាតនេះបានត្រូវបកប្រែច្រើនជាង៥០០ភាសា។ វិភាគទានដែលបងប្អូនបានជូនស្ម័គ្រពីចិត្តជួយគាំទ្រកិច្ចការនេះនៅទូទាំងពិភពលោក។ អ្នកក៏អាចផ្ដល់វិភាគទានតាមប្រព័ន្ធអ៊ីនធឺណិតដោយចូលគេហទំព័រdonate.jw.org។ យើងពិតជាមានចិត្តដឹងគុណចំពោះវិភាគទានរបស់បងប្អូន។ គណៈអភិបាលក៏អរគុណបងប្អូនដែលបានបង្ហាញចិត្តទូលាយក្នុងការជួយគាំទ្រកិច្ចការដែលជាប់ទាក់ទងនឹងរាជាណាចក្រ។

សាលាបង្ហាត់បង្រៀនអ្នកផ្សាយដំណឹងល្អអំពីរាជាណាចក្រព្រះ

អ្នកត្រួសត្រាយដែលមានអាយុចាប់ពី២៣ដល់៦៥ឆ្នាំ ដែលចាប់អារម្មណ៍ចង់បង្កើនកិច្ចផ្សព្វផ្សាយបានត្រូវអញ្ជើញឲ្យទាក់ទងលេខាធិការក្នុងក្រុមជំនុំរបស់ខ្លួន ហើយបំពេញពាក្យស្នើសុំតាមប្រព័ន្ធអ៊ីនធឺណិតដើម្បីចុះឈ្មោះចូលសាលាបង្ហាត់បង្រៀនអ្នកផ្សាយដំណឹងល្អអំពីរាជាណាចក្រព្រះ។

រៀបចំដោយគណៈអភិបាលនៃសាក្សីព្រះយេហូវ៉ា