របៀបរស់នៅជាគ្រិស្តសាសនិក
«កុំ . . . ពង្រាត់គូដែលព្រះបានផ្សំផ្គុំឡើយ»
ច្បាប់ម៉ូសេតម្រូវឲ្យបុរសដែលសម្រេចចិត្តលែងលះត្រូវមានលិខិតតាមច្បាប់។ ច្បាប់នេះគឺដើម្បីទប់ស្កាត់កុំឲ្យចំណងអាពាហ៍ពិពាហ៍ឆាប់បែកបាក់។ ប៉ុន្តែ នៅសម័យលោកយេស៊ូ ពួកអ្នកដឹកនាំសាសនាបានធ្វើឲ្យការលែងលះគ្នាទៅជាអ្វីដែលងាយស្រួលធ្វើ។ ជាឧទាហរណ៍ បុរសអាចលែងលះប្រពន្ធរបស់ពួកគេដោយមូលហេតុអ្វីក៏ដោយ។ («លិខិតលែងលះ» nwtsty-E ការពន្យល់បន្ថែមនៅម៉ាក. ១០:៤; «ការលែងលះប្រពន្ធ» «ជាអ្នកផិតក្បត់» nwtsty-E ការពន្យល់បន្ថែមនៅម៉ាក. ១០:១១) លោកយេស៊ូបានបញ្ជាក់ថាព្រះយេហូវ៉ាជាអ្នកផ្ដើមឲ្យមានអាពាហ៍ពិពាហ៍ ហើយក៏ជាអ្នកឲ្យសិទ្ធិរៀបការ។ (ម៉ាកុស ១០:២-១២) ប្ដីនិងប្រពន្ធបានក្លាយទៅជា«សាច់ឈាមតែមួយ»ដែលជាចំណងជារៀងរហូត។ មានមូលហេតុតែមួយគត់ដែលមានមូលដ្ឋានលើបទគម្ពីរចំពោះការលែងលះគ្នា ដោយយោងទៅតាមកំណត់ហេតុនៅម៉ាថាយ គឺ«អំពើប្រាសចាកសីលធម៌ខាងផ្លូវភេទ»។—ម៉ាថាយ ១៩:៩
នៅសព្វថ្ងៃនេះ មនុស្សជាច្រើនមានទស្សនៈខុសពីលោកយេស៊ូស្តីអំពីអាពាហ៍ពិពាហ៍ តែពួកគេមានទស្សនៈដូចពួកផារិស៊ីវិញ។ ពេលមានបញ្ហាកើតឡើង ពួកគេឆាប់លែងលះគ្នា។ ប៉ុន្តែ ប្ដីប្រពន្ធដែលជាគ្រិស្តសាសនិកខំធ្វើតាមពាក្យសម្បថពេលរៀបការ ហើយព្យាយាមយកឈ្នះការពិបាកដោយធ្វើតាមគោលការណ៍គម្ពីរ។ សូមទស្សនាវីដេអូសេចក្ដីស្រឡាញ់និងការគោរពជាចំណងក្នុងគ្រួសារ ក្រោយមកឆ្លើយសំណួរដូចតទៅ៖
តើអ្នកអាចធ្វើតាមសុភាសិត ១៥:១ ក្នុងអាពាហ៍ពិពាហ៍របស់អ្នកយ៉ាងដូចម្ដេច ហើយហេតុអ្វីនេះគឺសំខាន់?
តើតាមរបៀបណាអ្នកអាចជៀសពីបញ្ហាដោយធ្វើតាមខគម្ពីរនៅសុភាសិត ១៩:១១?
បើសិនចំណងអាពាហ៍ពិពាហ៍របស់អ្នកជិតប្រេះឆា ជាជាងគិតថា ‹តើខ្ញុំគួរលែងលះគ្នាទេ?› តើអ្នកគួរពិចារណាសំណួរអ្វីខ្លះ?
តើតាមរបៀបណាអ្នកអាចទៅជាប្ដីឬប្រពន្ធល្អជាងដោយធ្វើតាមខគម្ពីរនៅម៉ាថាយ ៧:១២?