របៀបរស់នៅជាគ្រិស្តសាសនិក
របៀបប្រើការសន្ទនាគំរូ
យើងមានការសន្ទនាគំរូនៅក្របកិច្ចបម្រើនិងជីវិតជាគ្រិស្តសាសនិក កំណត់សម្រាប់កិច្ចប្រជុំ តាំងពីខែមករាឆ្នាំ២០១៨មក។ តើយើងអាចប្រើការសន្ទនាគំរូទាំងនោះតាមរបៀបណា?
ពេលមានសុន្ទរកថា: អ្នកគួរប្រើសំណួរ បទគម្ពីរ និងសំណួរលើកក្រោយដែលមានក្នុងការសន្ទនាគំរូ។ ក៏ប៉ុន្តែនេះមិនមានន័យថាអ្នកត្រូវនិយាយបេះបិទដូចក្នុងវីដេអូអំពីការសន្ទនាគំរូឡើយ។ អ្នកអាចថ្លែងដោយប្រើស្ថានភាពផ្សេង ពាក្យផ្ដើមផ្សេង របៀបវែកញែកផ្សេង និងអ្វីផ្សេងៗទៀត។ អ្នកក៏អាចស្នើផ្ដល់សៀវភៅពីឧបករណ៍ដើម្បីបង្រៀនគម្ពីរ ទោះជាមិនបានរៀបរាប់ក្នុងការណែនាំក៏ដោយ។
ពេលក្នុងកិច្ចបម្រើផ្សាយ: ការសន្ទនាគំរូបានត្រូវរៀបចំឡើងដើម្បីផ្ដល់យោបល់ដែលអាចជួយអ្នក។ បើបុគ្គលម្នាក់បង្ហាញចំណាប់អារម្មណ៍ ហើយចង់ដឹងថែមទៀត អ្នកអាចបន្តការសន្ទនាដោយប្រើយោបល់ដែលមានក្នុងពាក្យផ្សាយគំរូសម្រាប់ការត្រឡប់ទៅជួប។ អ្នកអាចកែប្រែការសន្ទនាគំរូឬប្រើពាក្យផ្សាយផ្សេងបាន។ តើប្រធានបទពីខែផ្សេងឬបទគម្ពីរផ្សេងប្រហែលទាក់ទាញចិត្តមនុស្សច្រើនជាងនៅតំបន់អ្នកឬទេ? តើមនុស្សនៅតំបន់ផ្សាយចាប់អារម្មណ៍ខ្លាំងជាងទៅលើព្រឹត្តិការណ៍ថ្មីៗឬអ្វីដែលបានកើតឡើងក្នុងតំបន់នោះឬទេ? មិនថាអ្នកសម្រេចចិត្តប្រើការសន្ទនាគំរូតាមរបៀបណាក៏ដោយ អ្នកគួរមានគោលដៅ‹ធ្វើអ្វីៗទាំងអស់ដើម្បីដំណឹងល្អ ដើម្បីអាចប្រាប់ដល់អ្នកឯទៀត›។—១កូ. ៩:២២, ២៣